დღეს გაიმართება მსოფლიო ჩემპიონატის პლეიოფის მატჩები, ევროპის ზონიდან დარჩენილი ოთხი ადგილის მოსაპოვებლად. საგზურისთვის იბრძვის იტალიის ეროვნული გუნდიც, რომლის მოწინააღმდეგე ბოსნია იქნება. განვიხილოთ, თუ რას უნდა ველოდოთ აღნიშნული შეხვედრისგან.
ბოსნია V იტალია | 22:45
მსოფლიო ჩემპიონატის პლეიოფის ნახევარფინალში იტალიამ დაამარცხა ჩრდილოეთ ირლანდია, ბოსნიამ კი უელსი. მუნდიალის ოთხგზის ჩემპიონებს "კელტებთან" თუ ჰქონდათ შედარებით მარტივი გასეირნება, ბალკანელებისა და ბრიტანელების დუელი სავსე იყო დრამატული მომენტებით.
"ლურჯები" მარცხდებოდნენ 86-ე წუთამდე, თუმცა შემდეგ, ედინ ჯეკოს დამსახურებით, თამაშში დაბრუნდნენ. მატჩი მივიდა პენალტების სერიამდე, რომელშიც მოგებული სერგეი ბარბარესის გუნდი გამოვიდა. შეგახსენებთ იმასაც, რომ აღნიშნულ წყვილში მოგებული შვეიცარიასთან, კანადასა და კატართან მოხვდება.
ეს იქნება ამ ნაკრებების რიგით მეშვიდე მატჩები, იქამდე - ოთხჯერ იმარჯვა "სკუადრა აძურამ", ერთხელ - ბოსნიამ, ერთი თამაშიც ფრედ დასრულდა. ბალკანელთა ერთადერთი მოგება თარიღდება 1996 წლის ნოემბრით და იმის შემდეგ, აპენინელებმა კოლოსალური უპირატესობა მოიპოვეს.
სამშაბათის მატჩის დღე
| ნორვეგია - შვეიცარია | 20:00 | ამხანაგური მატჩი |
| ალჟირი - ურუგვაი | 22:30 | ამხანაგური მატჩი |
| ბოსნია - იტალია | 22:45 | მუნდიალის პლეიოფი |
| შვედეთი - პოლონეთი | 22:45 | მუნდიალის პლეიოფი |
| ჩეხეთი - დანია | 22:45 | მუნდიალის პლეიოფი |
| კოსოვო - თურქეთი | 22:45 | მუნდიალის პლეიოფი |
| ინგლისი - იაპონია | 22:45 | ამხანაგური მატჩი |
| ნიდერლანდები - ეკვადორი | 22:45 | ამხანაგური მატჩი |
| ესპანეთი - ეგვიპტე | 23:00 | ამხანაგური მატჩი |
| აშშ - პორტუგალია | 03:00 | ამხანაგური მატჩი |
| არგენტინა - ზამბია | 03:15 | ამხანაგური მატჩი |
| ხორვატია - ბრაზილია | 04:00 | ამხანაგური მატჩი |
| მექსიკა - ბელგია | 05:00 | ამხანაგური მატჩი |
