15 და 18 ნოემბერს, ესპანეთის ნაკრები მსოფლიო ჩემპიონატის საკვალიფიკაციო ეტაპის ბოლო მატჩებს საქართველოსა და თურქეთის წინააღმდეგ ჩაატარებს.
მოგეხსენებათ, წინა შეკრება ესპანეთის ნაკრების მთავარმა ლიდერმა და ტალანტმა ლამინ იამალმა ტრავმის გამო გამოტოვა. იმის შემდეგ, იამალი მოედანს დაუბრუნდა და ბარსელონას რიგებში თამაშობს.
თუმცა არის შანსი, რომ იამალი ესპანეთის ნაკრებს ამ სანაკრებო პაუზაზეც ვერ დაეხმაროს და კლუბმა დასვენებისკენ მოუწოდოს.
ამასთან დაკავშირებით, Marca-ს ანალიტიკოსი რობერტო გომესი საინტერესო ანალიზს აკეთებს.
"თუ იამალი კლუბში თამაშობს, მაშინ ის აუცილებლად უნდა იყოს ნაკრებში. დე ლა ფუენტემ ამის აუცილებლობის საკითხი უნდა დააყენოს.
შემდეგ მატჩს ბარსელონა ჩემპიონთა ლიგაზე გამართავს. თუ ბრიუგესთან იამალი ითამაშებს, მაშინ ის ნაკრებშიც უნდა იყოს. მაშინ, რა უნდა თქვან სხვა კლუბებმა და ფეხბურთელებმა? - დასვენების მიზნით, ისინიც უარს იტყვიან ნაკრებში თამაშზე და ამას სისტემატიური ხასიათი მიეცემა", - წერს Marca.
