როგორც მოგეხსენებათ, ტიაგო სილვა 41 წლის ასაკში დაბრუნდა ევროპაში და თავისუფალი აგენტის სტატუსით პორტუს შეუერთდა. ბრაზილიელი უკანახაზელის მიზანი ეროვნულ გუნდში დაბრუნება და მუნდიალზე თამაში არის. ამ ფაქტთან დაკავშირებით კომენტარი კარლო ანჩელოტიმ გააკეთა.
"თუ სილვა ჯობია სხვა ბრაზილიელ ცენტრალურ მცველებს, ნაკრებში მის გამოძახებაში პრობლემას ვერ ვხედავ. ასაკი გადამწყვეტი არ არის. მოდრიჩი იყო 40 წლის, როცა რეალში მოიგო თავისი ბოლო ჩემპიონთა ლიგის თასი და ის იმ გუნდის უმნიშვნელოვანესი მოთამაშე იყო.
2007 წელს ჩემპიონთა ლიგის გამარჯვებული გავხდი მილანთან ერთად და ჩემი გუნდის კაპიტანი იყო მალდინი, ვინც ასევე 40 წლის იყო. მაღალ დონეზე თამაშს განსაზღვრული ვადა ნამდვილად არ აქვს."
