"არწივებმა" 1998-2000 წლების შუალედში მოიგეს შვიდი ტიტული - ორი იტალიის თასი, ორი იტალიის სუპერთასი, თასების მფლობელთა თასი, უეფას სუპერთასი და რა თქმა უნდა, სკუდეტო...რიგით მეორე თავის ისტორიაში და ამ მომენტისთვის ბოლო. "ბიანკოჩელესტეს" წარმატების სულისჩამდგმელი იყო სვენ-გორან ერიქსონი, რომელმაც დედაქალაქური კლუბი მართლაც ახალ საფეხურზე აიყვანა.
ოლიმპიკოს ბინადრებს იმ პერიოდში დაუმარცხებიათ მანჩესტერ იუნაიტედი, ლონდონის ჩელსი, მადრიდის ატლეტიკო და სხვები. საინტერესოა ისიც, რომ ერიქსონის გუნდი თასების თასის უკანასკნელ გათამაშებაში (1998/99) იყო დებიუტანტის სტატუსით, ბოლოს კი ყველაფერი როგორც აღვნიშნეთ, ჩემპიონობით დასრულდა.
ეჭვგარეშეა, რომ შვედი მწვრთნელი ლაციოს ისტორიაში ყველაზე წარმატებული დამრიგებელია, თუმცა დედაქალაქურ გუნდში მოპოვებულ ტიტულებზე არანაკლებ მნიშვნელოვანია ის, თუ რა გავლენა მოახდინა მან სპეციალისტთა თანამედროვე სკოლაზე. სვენის რომაელ ჩემპიონებს რომ გადავავლოთ თვალი, მინიმუმ 3 ტოპ ტაქტიკოსს აღმოვაჩენთ.
რობერტო მანჩინი - სანატრელი ტიტულები იტალიის ნაკრებისთვის, ინტერისთვისა და მან სიტისთვის
მთავარი ფეხბურთელი "არწივების" ლეგენდარული მწვრთნელის კარიერაში. მანჩინიმ მისი ხელმძღვანელობით ჩაატარა ყველაზე მეტი, 306 შეხვედრა და გაიტანა ასევე ყველაზე მეტი, 90 ბურთი. ერიქსონი და იტალიელი ფორვარდი პირველად ერთმანეთს შეხვდნენ გენუის სამპდორიაში, მოგვიანებით კი მათი თანამშრომლობა "ბიანკოჩელესტეში" გაგრძელდა.
საფეხბურთო კარიერის დასრულების შემდეგ, რობერტო მოგვევლინა მწვრთნელად - ჯერ ფლორენციის ფიორენტინაში, შემდეგ კი ოლიმპიკოზე მოგებული კოპა იტალიას 2 ტიტულის შემდეგ, დიდ წარმატებას მან ინტერში მიაღწია. 2004-2008 წლების შუალედში, მოდის დედაქალაქის შავ-ლურჯ ნაწილს მილანელთა იმდროინდელმა დამრიგებელმა 7 ჯილდო მოუტანა.
სწორედ 60 წლის მწვრთნელს უკავშირდება "ნერაძურის" კრიზისული პერიოდის დასასრული, როდესაც აღნიშნული გუნდი სერია ა-ში ჩემპიონობას 17 წლის მანძილზე (1989-2006) ვერ ახერხებდა. "გველების" დატოვების შემდეგ, მანჩინიმ მიიღო ახალი გამოწვევა, ამჯერად ნისლიან ალბიონზე: ამბიციური და ფინანსურად მოძლიერებული სიტი, რომელიც ევროპაში დომინირებას ისახავდა მიზნად.
მთავარი ფეხბურთელი "არწივების" ლეგენდარული მწვრთნელის კარიერაში. მანჩინიმ მისი ხელმძღვანელობით ჩაატარა ყველაზე მეტი, 306 შეხვედრა და გაიტანა ასევე ყველაზე მეტი, 90 ბურთი. ერიქსონი და იტალიელი ფორვარდი პირველად ერთმანეთს შეხვდნენ გენუის სამპდორიაში, მოგვიანებით კი მათი თანამშრომლობა "ბიანკოჩელესტეში" გაგრძელდა.
საფეხბურთო კარიერის დასრულების შემდეგ, რობერტო მოგვევლინა მწვრთნელად - ჯერ ფლორენციის ფიორენტინაში, შემდეგ კი ოლიმპიკოზე მოგებული კოპა იტალიას 2 ტიტულის შემდეგ, დიდ წარმატებას მან ინტერში მიაღწია. 2004-2008 წლების შუალედში, მოდის დედაქალაქის შავ-ლურჯ ნაწილს მილანელთა იმდროინდელმა დამრიგებელმა 7 ჯილდო მოუტანა.
სწორედ 60 წლის მწვრთნელს უკავშირდება "ნერაძურის" კრიზისული პერიოდის დასასრული, როდესაც აღნიშნული გუნდი სერია ა-ში ჩემპიონობას 17 წლის მანძილზე (1989-2006) ვერ ახერხებდა. "გველების" დატოვების შემდეგ, მანჩინიმ მიიღო ახალი გამოწვევა, ამჯერად ნისლიან ალბიონზე: ამბიციური და ფინანსურად მოძლიერებული სიტი, რომელიც ევროპაში დომინირებას ისახავდა მიზნად.
საინტერესოა ის, რომ მანჩესტერულ გუნდში ახალი ეპოქა დაიწყო ლეგენდარული შვედი მწვრთნელით, მოგვიანებით კი მისი საქმე სწორედ იტალიელმა სპეციალისტმა გააგრძელა. რობერტომ 2012 წელს "ქალაქელებს" მოაგებინა პირველი ჩემპიონობა 1968 წლის შემდეგ და ცნობისთვის, სატიტულო დუელში მან სერ ალექს ფერგიუსონი დაამარცხა.
ინტერნაციონალეს ყოფილი მწვრთნელის კარიერაში შემდეგ იყო დაღმასვლა, 2021 წელს კი მისმა გვარმა მთელი მსოფლიოს მასშტაბით გაიჟღერა კიდევ ერთხელ, როდესაც მან იტალიის ეროვნულ გუნდს ევროპის ჩემპიონატი მოაგებინა. სამშობლოს დატოვების შემდეგ, 60 წლის სპეციალისტმა განტვირთვისთვის მოგვიანებით საუდის არაბეთს მიაშურა.
დღეს, მანჩინი უგუნდოდ არის. მის სახელს უკავშირებენ არაერთ კლუბსა და ნაკრებს, თუმცა ტიტულოვანი მწვრთნელი დიდ ფეხბურთში დაბრუნებას ჯერჯერობით არ ჩქარობს. თავად იტალიელი სპეციალისტის განცხადებით, სამომავლოდ ის კიდევ ერთხელ მოსინჯავდა ძალებს მისთვის საყვარელ "სკუადრა აძურაში".
დიეგო სიმეონე - მთავარი მწვრთნელი ატლეტიკოს ისტორიაში
ერიქსონის საჩემპიონო გუნდის უმნიშვნელოვანესი ნაწილი იყო სიმეონე, რომელმაც იტალიის დედაქალაქში მეორე ახალგაზრდობა განიცადა. საფეხბურთო კარიერის დასრულების შემდეგ, ყოფილი არგენტინელი შუახაზელი მოგვევლინა ტაქტიკოსად, რომელმაც ისტორიაში უძლიერესი ატლეტიკო გვაჩუქა. მადრიდელთა თანამედროვე ისტორია თავიდან ბოლომდე სწორედ დიეგოს უკავშირდება.
უკვე 13 წელია, რაც "როხიბლანკოს" მწვრთნელი ჩვენს გაოცებას აგრძელებს. დედაქალაქურ გუნდში მოღვაწეობის პერიოდში მან მოიგო რვა ტიტული - პრიმერა დივიზიონის 2 ჩემპიონობა, ევროპა ლიგის 2 თასი, 2 უეფას სუპერთასი, კოპა დელ რეი და ესპანეთის სუპერთასი. "ჩოლომ" 2-ჯერ იჩემპიონა ლიგაში, სადაც რეალ მადრიდი და ბარსელონა ბინადრობენ.
ამის გარდა, 54 წლის მწვრთნელმა "ინდიელები" ორჯერ გაიყვანა ჩემპიონთა ლიგის ფინალშიც, თუმცა ევროსარბიელზე "სამეფო კლუბს" მან ვერაფერი მოუხერხა. როგორც აღვნიშნეთ, სიმეონე თავის ამჟამინდელ კლუბში ხურავს მე-13 წელს...საოცარი შედეგი, იმის გათვალისწინებით, თუ რა სიხშირით იცვლებიან სპეციალისტები თანამედროვე ფეხბურთში.
ერიქსონის საჩემპიონო გუნდის უმნიშვნელოვანესი ნაწილი იყო სიმეონე, რომელმაც იტალიის დედაქალაქში მეორე ახალგაზრდობა განიცადა. საფეხბურთო კარიერის დასრულების შემდეგ, ყოფილი არგენტინელი შუახაზელი მოგვევლინა ტაქტიკოსად, რომელმაც ისტორიაში უძლიერესი ატლეტიკო გვაჩუქა. მადრიდელთა თანამედროვე ისტორია თავიდან ბოლომდე სწორედ დიეგოს უკავშირდება.
უკვე 13 წელია, რაც "როხიბლანკოს" მწვრთნელი ჩვენს გაოცებას აგრძელებს. დედაქალაქურ გუნდში მოღვაწეობის პერიოდში მან მოიგო რვა ტიტული - პრიმერა დივიზიონის 2 ჩემპიონობა, ევროპა ლიგის 2 თასი, 2 უეფას სუპერთასი, კოპა დელ რეი და ესპანეთის სუპერთასი. "ჩოლომ" 2-ჯერ იჩემპიონა ლიგაში, სადაც რეალ მადრიდი და ბარსელონა ბინადრობენ.
ამის გარდა, 54 წლის მწვრთნელმა "ინდიელები" ორჯერ გაიყვანა ჩემპიონთა ლიგის ფინალშიც, თუმცა ევროსარბიელზე "სამეფო კლუბს" მან ვერაფერი მოუხერხა. როგორც აღვნიშნეთ, სიმეონე თავის ამჟამინდელ კლუბში ხურავს მე-13 წელს...საოცარი შედეგი, იმის გათვალისწინებით, თუ რა სიხშირით იცვლებიან სპეციალისტები თანამედროვე ფეხბურთში.
სიმონე ინძაგი - ინტერის აღმავლობის სიმბოლო
დიახ, ლეგენდარული შვედი მწვრთნელის კიდევ ერთი მოსწავლე, რომელიც ინტერნაციონალეს ძალიან გამოადგა. რობერტოს მსგავსად, კრიზისიდან მილანელთა ამოყვანა მოუწია ინძაგისაც და დღეს, მისი გუნდი ჩემპიონთა ლიგის ერთ-ერთ მთავარ ფავორიტთა რიცხვშიც კი ტრიალებს. რაც შეეხება იტალიელი ტაქტიკოსის მიღწევებს "ნერაძურიში": 6 ტიტული, თანაც 3 წლის შუალედში.
"გველები" სიმონესთან ერთად გახდნენ სერია ა-ს ჩემპიონები და ამის გარდა, მათ ანგარიშზე სამი იტალიის სუპერთასი და ორი იტალიის თასი არის. მეაცას ბინადრები გასულან ჩემპიონთა ლიგის ფინალშიც, მაგრამ იქ მოხდა დასანანი წაგება თანაბარ ბრძოლაში, პეპ გუარდიოლას უძლიერესი ფორმაციის "ლურჯებთან".
სერჟიო კონსეისაუ - მილანის ახალი იმედი
პაულო ფონსეკას ფიასკოს შემდეგ, მილანმა სიტუაციის გამოსასწორებლად კონსეისაუს უხმო. საჩემპიონო ლაციოს კიდევ ერთი წარმომადგენელი, რომელმაც თავის დროზე ინტერში თამაშიც მოასწრო. პორტუგალიელ სპეციალისტს დიდი ხნის მანძილზე უწინასწარმეტყველებდნენ ტოპ კლუბში გადასვლას და თანამემამულე თავკაცის "როსონერიდან" გაშვების შემდეგ, ნანატრი მომენტი როგორც იქნა დადგა.
ვნახოთ, შეძლებს თუ არა სერჟიო "ეშმაკების" ჭაობიდან ამოყვანას. სამწვრთნელო კარიერის უმნიშვნელოვანესი პერიოდი მან გაატარა მშობლიურ პორტუში, სადაც 2017-2024 წლების შუალედში 11 ტიტული მოიგო. "დრაკონების" ყოფილი სპეციალისტის ანგარიშზეა 3-ჯერ პორტუგალიის ჩემპიონობა, 4 პორტუალიის თასი, ლიგის თასი და 3 სუპერთასი.
50 წლის მწვრთნელის ხელმძღვანელობით, "თეთრ-ლურჯები" მრისხანე ძალას წარმოადგენდნენ ევროპაშიც და ამის ნათელი მაგალითია 2019-2021 წლების შუალედი, როდესაც პორტუგალიური კლუბი ჩემპიონთა ლიგის 1/4 ფინალში 2-ჯერ გავიდა. კონსეისაუს კარიერაში დგება ახალი გამოწვევის დრო და ეს გამოწვევა შავ-წითელი ფერის არის.
ერიქსონის ყველაზე დიდი მოსწავლე - კარლო ანჩელოტი
ბოლოს კი სიურპრიზად დავტოვეთ ერიქსონის ყველაზე წარმატებული და დიდი მოსწავლე, რომელიც მან რომაში მუშაობის დროს გაიცნო. დიახ, სხვა ყველაფერთან ერთად, შვედი სპეციალისტი იტალიის დედაქალაქის ლურჯი ნაწილის გარდა, "ჯალორისიშიც" მოღვაწეობდა (1984-1987). სწორედ იქ შეხვდა სვენი ანჩელოტის, ერთობლივი ძალებით კი "მგლებისთვის" კოპა იტალია იქნა მოგებული.
იტალიელმა ცენტრალურმა ნახევარმცველმა "კაპიტოლინის" იმდროინდელი მწვრთნელის ხელმძღვანელობით ჩაატარა 93 შეხვედრა და 5 გოლი გაიტანა. კარლოს კარიერაში მოგვიანებით იყო სან სიროზე თამაში, შემდეგ კი დიდებული სამწვრთნელო კარიერა. როგორც სპეციალისტმა და როგორც მოთამაშემ, "ბლანკოსის" ამჟამინდელმა დამრიგებელმა საერთო ჯამში ჩემპიონთა ლიგის 7 ტიტული მოიგო.
65 წლის მწვრთნელი ახლაც მწვერვალზეა და ის თავის გუნდთან ერთად, ევროპის ყველაზე პრესტიჟულ საკლუბო ტურნირზე ჩემპიონობას კიდევ ერთხელ გეგმავს. ანჩელოტის საფეხბურთო კარიერის მნიშვნელოვანი ნაწილი გავიდა სწორედ ერიქსონთან ერთად და იმ დროს, 80-იანების დასაწყისში, ახალგაზრდა სპეციალისტი ალბათ ვერც წარმოიდგენდა, მსოფლიო ფეხბურთისთვის როგორი მნიშვნელოვანი პიროვნების ფორმირებაში იღებდა მონაწილეობას.
