ამის გამო, კვარაცხელიას აგენტი მამუკა ჯუღელი ნეაპოლში რამდენჯერმე იყო ჩასული, კლუბის პრეზიდენტი აურელიო დე ლაურენტისი კი კონტრაქტის გახანგრძლივების პირველი ინიციატორია.
დე ლაურენტისის მიზანია, თავისი გუნდი კვარაცხელიას გარშემო ააწყოს და თუ ევროპულმა გრანდებმა მის სანაცვლოდ კოლოსარული თანხა არ გადაიხადეს, ნაპოლიში დიდხანს დატოვოს.
ნაპოლის პრეზიდენტი კვარას ახალ კონტრაქტს უმზადებს, რომლის მიხედვითაც ქართველი 3-ჯერ მეტ ხელფასს მიიღებს. კვარაცხელიას ამჟამინდელი ხელფასი 1.5 მილიონი ევროა, რომელიც 4.5 მილიონამდე გაიზრდება, ამას დაემატება ბონუსები. მას კონტრაქტის ვადა 2027 წელს ეწურება, ახალი კონტრაქტის თანახმად კი ვადა ან 2028 ან კი 2029 წლამდე გახანგრძლივდება.
თავად ჯუღელი ამბობს, რომ ყველაფერი სეზონის ბოლოს გახდება ცნობილი. ფაქტია, საქართველოს ნაკრების წარმატება და ევროპის ჩემპიონატზე გასვლა კვარაცხელიას კარიერაში კიდევ ბევრ რამეს შეცვლის.
