რუმინეთის ნაკრების მთავარმა მწვრთნელმა, ლეგენდარულმა გეორგე ჰაჯიმ საქართველოს ეროვნულ გუნდთან მოახლოებული მატჩის შესახებ ისაუბრა. რუმინელმა სპეციალისტმა გამოარჩია ხვიჩა კვარაცხელია და მას მსოფლიოს ერთ-ერთი საუკეთესო მოთამაშე უწოდა.
"კვარაცხელია მსოფლიოს ერთ-ერთი საუკეთესო ფეხბურთელია? ვის ვხედავ ჩემი სტილის ფეხბურთელს თანამედროვე ფეხბურთში? ასეთი მოთამაშე გყავთ თქვენ, ის პარი სენ-ჟერმენში თამაშობს. მართალია, ის არ არის კლასიკური 10-იანი, მაგრამ აღნიშნულ პოზიციაზე თამაშის შეთავსებაც შეუძლია.
ხვიჩა საოცარი ფეხბურთელია, თუმცა მას აქვს ერთი მინუსი - ის მარჯვენა ფეხით თამაშობს, მე კი მარცხენათი ვთამაშობდი. ეს რა თქმა უნდა ხუმრობით", - განაცხადა რუმინეთის ეროვნული გუნდის დამრიგებელმა.
