"სტივენ ბერგვაინი 26 წლის ასაკში წავიდა საუდის არაბეთში. აშკარაა, რომ მას სპორტული ამბიცია აღარ გააჩნია. მისთვის ნაკრების კარი დახურულია.
როცა 26 წლის ხარ, ყველაზე მნიშვნელოვანი რამ შენთვის სპორტი უნდა იყოს და არა ფული. ბერგვაინს აიაქსში დარჩენა თავისუფლად შეეძლო, რადგან ამ კლუბშიც კარგად უხდიან ფეხბურთელებს. ამ ასაკში მსგავს გადაწყვეტილებას არ მივიღებდი.
სტივენთან არ მისაუბრია, მაგრამ დარწმუნებული ვარ, კარგად იცის თუ რას ვეტყოდი", - განაცხადა კუმანმა მედიასთან.
ბერგვაინმა აიაქსი სულ რამდენიმე საათის წინ დატოვა — ნიდერლანდელი ფეხბურთელი €21 მილიონის სანაცვლოდ ალ იტიჰადში გადაბარგდა.
