შეხვედრის ძირითადი დრო ფრედ, 1:1 დასრულდა და არგენტინამ მეტოქეს თერთმეტმეტრიანების სერიაში 4:2 მოუგო. ანგარიში 35-ე წუთზე ლისანდრო მარტინესმა გახსნა, ხოლო მატჩის მიწურულს, 92-ე წუთზე, კევინ როდრიგესმა გაათანაბრა და საბოლოო ანგარიში დააფიქსირა.
აღსანიშნავია, რომ კოპა ამერიკის წლევანდელ გათამაშებაში ფინალამდე დამატებითი 15 წუთიანი ტაიმები გაუქმებულია და თუ მატჩის 90 წუთი ფრედ დასრულდა, პირდაპირ პენალტების სერია ინიშნება.
1/2 ფინალში არგენტინის მეტოქე ხვალ გამთენიისას, ვენესუელასა და კანადას შორის დაპირისპირებაში გაირკვევა.
არგენტინა 1-1 (4-2) ეკვადორი
