ბოლო საათებში გავრცელებული ინფორმაციის თანახმად, კარლო ანჩელოტი და ბრაზილიის ფეხბურთის ფედერაცია მოლაპარაკებებს ისევ აგრძელებენ. როგორც ირკვევა, მხარეებს თანამშრომლობა კვლავ სურთ და ისინი იმედოვნებენ, რომ უახლოეს პერიოდში საბოლოო შეთანხმება მაინც შედგება. "სელესაოში" იტალიელ სპეციალისტს ყველაზე მაქსიმუმ თვის ბოლომდე დაელოდებიან, თუმცა თუ ივნისამდე ანჩელოტი რეალ მადრიდიდან წამოსვლას ვერ მოახერხებს, გარიგება საბოლოოდ ჩაიშლება.
რა უშლის ხელს გარიგების დახურვას?
კარლო ანჩელოტის რეალ მადრიდისგან კომპენსაციის მიღება სურს, რასაც ფლორენტინო პერესი კატეგორიულად ეწინააღმდეგება. იმის მიუხედავად, რომ იტალიელს კლუბთან არსებული კონტრატი 2026 წლამდე აკავშირებს, სამეფო კლუბი გამოცდილი სპეციალისტისთვის დამატებითი თანხის გადახდას მაინც არ აპირებს, რაც კარლო ანჩელოტისა და ბრაზილიის ფეხბურთის ფედერაციას შორის მიმდინარე მოლაპარაკებებს აფერხებს.
უახლოეს დღეებში კარლო ანჩელოტი და რეალ მადრიდი საბოლოო შეთანხმებას შეეცდებიან, რის შემდეგაც გაირკვევა იტალიელი "სელესაოს" მთავარი მწვრთნელი გახდება თუ არა.
