4 სექტემბერს გაიმართება მსოფლიო ჩემპიონატის საკვალიფიკაციო ეტაპის მატჩი საქართველოსა და თურქეთის ნაკრებებს შორის.
მატჩის წინ კომენტარი თურქეთის ნაკრების მთავარმა მწვრთნელმა ვინჩენცო მონტელამ გააკეთა და შანსები შეაფასა.
"თურქეთის ნაკრები მსოფლიო ჩემპიონატზე უკვე 24 წელია არ ყოფილა, ამიტომ დიდ ენერგიას ჩავდებთ და ყველაფერს გავაკეთებთ, რომ სასურველ შედეგს მივაღწიოთ.
პირველი შეხვედრა საქართველოს წინააღმდეგ გვაქვს, რომელიც ძალიან მნიშვნელოვანი იქნება. კარგად ვხედავთ, თუ როგორ განვითარდნენ ისინი ბოლო პერიოდში და როგორ წავიდნენ წინ, თუნდაც ევროპის ჩემპიონატის შემდეგ. საქართველოს დალაგებული და კარგი შემადგენლობა ჰყავს.
ვფიქრობ, ამ საკვალიფიკაციო ეტაპზე ყველაზე რთულ ჯგუფში მოვხვდით, მაგრამ ეს ბარიერი არ უნდა იყოს და ნაბიჯ-ნაბიჯ ჩვენს დასახულ მიზნამდე უნდა მივიდეთ", - განაცხადა მონტელამ.
შეგახსენებთ, რომ თურქეთისა და საქართველოს გარდა ჯგუფში ბულგარეთისა და ესპანეთის ნაკრებებიც არიან. ჯგუფიდან პირველადგილოსანი ავტომატურად გადის, მეორეადგილოსანი კი ფლეი-ოფებს თამაშობს.
