ესპანურმა გამოცემა Marca-მ ლიონელ მესი ყველა დროის საუკეთესო ფეხბურთელად დაასახელა და სპეციალური ჯილდო გადასცა.
დაჯილდოების ცერემონიალზე, არგენტინელმა ფეხბურთელმა კომენტარი გააკეთა და მომავალზე ისაუბრა, მათ შორის 2026 წლის მუნდიალზე.
"ვითამაშებ თუ არა 2026 წლის მსოფლიო ჩემპიონატზე? - ამ ეტაპზე თავს კარგად ვგრძნობ და ვნახოთ, რა იქნება 2 წლის შემდეგ — წინასწარ არაფრის თქმა არ მინდა."
"მადლობა ღმერთს, ფეხბურთში ყველა ოცნება ავიხდინე — ჩემი მთავარი მიზანი მსოფლიო ჩემპიონობა იყო, ასევე, ბარსელონასთან ერთად საკლუბო დონეზე ყველაფერი მოვიგე."
"ვიცი, რომ კარიერის დასასრული ახლოვდება და ყველა დარჩენილი მომენტით უდიდეს სიამოვნებას ვიღებ. არგენტინა და ბარსელონა ჩემი სახლია" — განაცხადა არგენტინელმა ვარსკვლავმა.
212098
