იტალიის ნაკრებმა ბოლოს მსოფლიო ჩემპიონატზე 2014 წელს ითამაშა. იმის შემდეგ, აპენინელები ზედიზედ სამჯერ მუნდიალის საგზურის გარეშე დარჩნენ. დავუბრუნდეთ ბრაზილიაში გამართულ ტურნირს, რომელზეც "სკუადრა აძურა" არაერთი გამორჩეული ვარსკვლავით იყო წარმოდგენილი.
"ლურჯებში" ბრწყინავდნენ ჯანლუიჯი ბუფონი, ანდრეა პირლო, ჯორჯო კიელინი, ანდრეა ბარძალი, ლეონარდო ბონუჩი, დანიელე დე როსი და სხვები. ამის მიუხედავად, ჩეზარე პრანდელის გუნდმა, ინგლისის მსგავსად, ვერ შეძლო ჯგუფური ეტაპის დაძლევა და 1/8 ფინალში ურუგვაი-კოსტა რიკას წყვილი გაუშვა.
2014 წლის მსოფლიო ჩემპიონატის იტალიის შემადგენლობიდან ფეხბურთელების უმრავლესობამ უკვე დაასრულეს კარიერა, თუმცა ექვსი მოთამაშე ჯერ კიდევ მოქმედია. ესენი არიან: მარიო ბალოტელი, მატეო დარმიანი, ჩირო იმობილე, ლორენცო ინსინიე, მატია პერინი და მარკო ვერატი.
დაბეჯითებით შეიძლება იმის თქმა, რომ მომავალში, როდესაც "სკუადრა აძურა" მსოფლიო ჩემპიონატზე აღმოჩნდება კვლავ, კარიერა დასრულებული აღნიშნულ მოთამაშეებსაც ექნებათ. აქვე დავამატებთ, "ლურჯებს" მუნდიალზე მინიმუმ 2030 წლამდე ვერ ვიხილავთ.
დარჩენილი მოქმედი ფეხბურთელები იტალიის ნაკრების 2014 წლის მსოფლიო ჩემპიონატის შემადგენლობიდან
| ფეხბურთელი | ამჟამინდელი გუნდი |
| მარიო ბალოტელი | ალ-იტიფაქი |
| მატეო დარმიანი | ინტერი |
| ჩირო იმობილე | პარიზი |
| ლორენცო ინსინიე | პესკარა |
| მატია პერინი | იუვენტუსი |
| მარკო ვერატი | ალ დუჰაილი |
