"იტალიაში არ მინახავს ის, რაც დღეს საქართველოში ვნახე", - საბა გოგლიჩიძე

უეფას ერთა ლიგის პლეი-ოფის განმეორებითი მატჩი საქართველოსა და სომხეთის ნაკრებებს შორის დასრულდა. შეხვედრა ვილი სანიოლის გუნდის სრული უპირატესობით წარიმართა, რასაც ლოგიკური დასასრული მოჰყვა. მატჩი საბოლოო ჯამში 6-1 დასრულდა. დღევანდელი გამარჯვების შემდეგ, საქართველოს ეროვნულმა ნაკრებმა ერთა ლიგის B დივიზიონში ადგილი შეინარჩუნა.

მატჩის დასრულების შემდეგ მედიასთან საბა გოგლიჩიძემ ისაუბრა:

"დინამო არენაზე ნაკრებთან ერთად პირველად ვითამაშე, რითაც ძალიან მაგარი გამოცდილება მივიღე, ძალიან ბედნიერი ვარ. იტალიაში არის იმის ფუფუნება, რომ სტადიონები ყოველთვის სავსეა, მაგრამ იტალიაში არ მინახავს ის, რაც დღეს საქართველოში ვნახე — ბევრად მაგარი გულშემატკივრობა იყო."