პაოლო მალდინის შვილმა, დანიელმა იტალიის ნაკრებში სადებიუტო შეხვედრა ჩაატარა. ის მოედანზე გამოჩნდა ისრაელთან თამაშის 74-ე წუთზე, ჯაკომო რასპადორის ნაცვლად. იტალიელმა გამთამაშებელმა "სკუადრა აძურაში" ითამაშა მამის ბოლო მატჩიდან 22 წლისა და 118 დღის შემდეგ და ბაბუის, ჩეზარეს ბოლო მატჩიდან 61 წლის შემდეგ.
ერთმა დიდმა მალდინიმ "ლურჯებში" პირველად ითამაშა 1960 წელს, მეორემ 1988-ში, მათი გვარის გამგრძელებელმა კი 2024 წელს. პირველად აღნიშნული ეროვნული გუნდის ისტორიაში, ერთი ოჯახის სამმა წარმომადგენელმა ითამაშა. მონცას გამთამაშებლის დებიუტს ტრიბუნებიდან უყურებდა მილანის ლეგენდარული კაპიტანი, რომელიც ცრემლებს ვერ იკავებდა.
