სრული დატვირთვით ვარჯიშობს საბა კვერკველიაც. ერთადერთი ფეხბრუთელი, რომელმაც დღეს ვერ ივარჯიშა, ოთარ კიტეიშვილია, რომელსაც გერმანიაში ჯერ საერთოდ არ უვარჯიშია.
საქართველოს ნაკრებმა ვარჯიში პოზიტიურად დაიწყო. მათ ბაზაზე შადიმან ხარშილაძე დახვდათ, რომელმაც 12 დღე მოპედით იარა, თბილისიდან ფელბერტში ჩამოვიდა და ნაკრების მოთამაშეებს შეხვდა. მათთან ერთად კი საქართველოს უდიდესი დროშა გაშალა.
როცა ვილი სანიოლმა ამ ფაქტის შესახებ გაიგო, გაუკვირდა. გაუკვირდა წამიერად, თუმცა მალევე გააანალიზა, თუ რა შესაძლებლობები აქვთ ქართველებს. შადიმანის ექსტრემალური რეისი საქართველოდან გერმანიამდე, პოზიტიურად მიიღო და მას დიდი მადლობა გადაუხადა.
ინტერვიუს ჩაწერა ზურიკო დავითაშვილთან და ლუკა ლოჩოშვილთან შევძელით, რომლის ხილვაც Lagazzetta.ge-ზე შეგიძლიათ. ორივე მათგანი მოახლოებული მატჩებისადმი კარგადაა განწყობილი.
აშკარაა, რომ გერმანია ნელ-ნელა ქართველებით ივსება. წინა დღეებთან შედარებით, ფელბერტში ქართველების რიცხვმა საგრძნობლად მოიმატა, ზოგი მათგანი გზაშია, ზოგიც კი უშუალოდ თამაშის დღეს დორტმუნდში ჩამოვა.
ვარჯიშის დასრულების შემდეგ, ნაკრები ტრადიციულად სასტუმროში დაბრუნდა, სადაც მათ გულშემატკივრები საქართველოს დროშებითა და ქართული შეძახილებით დახვდნენ.
ერთი ფაქტი, რაც უნდა აღვნიშნოთ ისაა, რომ უცხოელ ჟურნალისტებთან საქართველოს ნაკრების ყველა ფეხბურთელი ინგლისურ ენაზე იდეალურად საუბრობს, რაც ჩვენს ნაკრებს მეტ პრესტიჟულობასა და სოლიდურობას სძენს. მსოფლიო ფეხბურთში, ენების ცოდნა ერთ-ერთი მთავარი კომპონენტია, რითიც ფეხბურთელის ხარისხი ფასდება. ნაკრების ფეხბურთელებმა გამართულად მინიმუმ 2 ენა იციან. ლოჩოშვილმა ინგლისურთან ერთად იტალიურიც კი იცის, მამარდამ ესპანური და ა.შ.
16 ივნისს, ფელბერტში ბოლო ვარჯიშია, რის შემდეგაც ნაკრები დორტმუნდში დასკვნით ვარჯიშსა და პრესკონფერენციას გამართავს. სამწუხაროდ, 16 ივნისის ვარჯიში მთლიანად ტაქტიკურ მონახაზს დაეთმობა, რომელზე დასწრების უფლება არ გვექნება, თუმცა აქტიურად გაგაცნობთ ქალაქში და სასტუმროსთან მიმდინარე მოვლენებს.
