სექტემბრის სანაკრებო პაუზა დასრულდა, ქართველი ფეხბურთელები კი საკუთარ გუნდებში დაბრუნდნენ. ალბანეთთან შეხვედრის შემდეგ, ლევანტეს მთავარმა მწვრთნელმა ხულიან კალერომ გიორგი ქოჩორაშვილის შესახებ ისაუბრა. მატჩისწინა პრესკონფერენციაზე, 53 წლის სპეციალისტმა LaGazzetta.ge-ს მიერ დასმულ შეკითხვას უპასუხა.
- რა თქმა უნდა, გიორგის დასატოვებლად ახლა მე მას ნაკლებ წუთს მივცემ. მისი ჩვენთან დარჩენა მსურს. მადლობა, რომ ასეთი მნიშვნელოვანი ამბავი შემახსენეთ. ინგლისიდან მოსული გუნდებისთვის პასუხი უკვე მაქვს. ქოჩოსთან დაკავშირებით გეგმა ასეთია: პირველ რიგში, უნდა ვნახოთ ნაკრებიდან რა კონდიციაში დაბრუნდება. ნაკრების მოთამაშეები სხვა გუნდებშიც მყოლია. მაგალითად, პორტუში ყოფნისას, სანაკრებო პაუზების დროს გუნდს 14-15 მოთამაშე ტოვებდა. როცა ისინი ბრუნდებოდნენ, მათთვის სხვადასხვა ტესტის ჩატარება ხდებოდა საჭირო. თითოეული მათგანი განსხვავებულად იტვირთება, ზოგი მეტს თამაშობს, ზოგიც ნაკლებს. ქოჩო საქართველოში ჩაფრინდა, შემდეგ ალბანეთში. ალბანეთიდან კი ვალენსიაში დაბრუნდა. ბევრი კილომეტრი გაიარა. მოგზაურობა ფეხბურთელს საკმაოდ ღლის. ჩვენ მისი მდგომარეობა უნდა შევაფასოთ, დაველაპარაკოთ მას. ბოლო თამაში რამდენიმე დღის წინ ითამაშა. ასე რომ, ამ ეტაპზე მასთან დაკავშირებით არანაირი გეგმა არ არსებობს. ვფიქრობ, ლევანტეს დიდი მიზნები უნდა ჰქონდეს, არ უნდა იფიქროს პრემიერ ლიგიდან წამოსულ ინტერესზე. ჩვენი ყურადღება ლა ლიგაში გადასვლისკენ უნდა იყოს მიმართული. არ ვიცი ეს როდის მოხდება, მომავალ სეზონში, თუ ხუთი წლის შემდეგ… მნიშვნელოვანი ისაა, რომ მოთამაშეებს აქ ყოფნა უნდოდეთ, ჩვენ კი - მათი დახმარება და მხარდაჭერა. იმედია, მათ გვერდში დიდიხნის განმავლობაში ვიქნებით. თუ მაცდური შეთავაზებები გვექნება, ალბათ ბევრი არჩევანი აღარც დაგვრჩება… მაგრამ, ახლა ჩემს გუნდთან ერთად დიდ მიზნებზე ფიქრი მირჩევნია. რადგან ეკონომიკურ საკითხებზე საუბარი ჩემი უპირატესობა არ არის, ჩემს გუნდზე, მის მიზნებსა და ქოჩორაშვილზე ლაპარაკს დავჯერდები.
შეგახსენებთ, გიორგი ქოჩორაშვილს ლევანტესთან კონტრაქტი 2027 წლამდე აკავშირებს.
