ლინეკერი: "კლოპი უმუშევარია, ხომ?- პრობლემად არ მიმაჩნია ის ფაქტი, რომ კლოპი არ არის ინგლისელი, რადგან კარიერის მნიშვნელოვანი ნაწილი მან სწორედ აქ გაატარა. იურგენი არის ტოპ სპეციალისტი, ჯერ კიდევ ახალგაზრდა და ენერგიით სავსე. ეროვნულ ნაკრებს სწორედ ასეთი დამრიგებელი სჭირდება".
შირერი: "მე ვემხრობი იმ ფაქტს, რომ "სამი ლომის" მწვრთნელი ინგლისელი იყოს. ყველაზე შესაფერისი კანდიდატურა ჰაუ არის. მეეჭვება, რომ არჩევანი უცხოელ დამრიგებელზე შეაჩერონ".
კარაგერი: "უცხოელი მწვრთნელი? - მიმუშავია კაპელოსა და ერიქსონთან, ვერც კი შევადარებ იმას, რაც საუთგეიტმა გააკეთა. არც გვარდიოლასა და კაპელოს ვარიანტი მომწონს. წარმატებული საკლუბო კარიერა არ ნიშნავს, რომ სპეციალისტი ეროვნულ გუნდშიც კარგი იქნება. ესპანეთმა ევრო პრაქტიკულად უცნობ დამრიგებელთან ერთად მოიგო. ახალი თავკაცი ინგლისელი უნდა იყოს".
რიჩარდსი: "მომწონს თუ არა კლოპის ვარიანტი? - ვოცნებობ უფრო მასშტაბურ ვარიანტზე - გვარდიოლაზე. ძალიან მინდა მისი ხილვა "სამ ლომში", რატომაც არა?! ისიც მინდა ვთქვა, რომ გული დამწყდება, როდესაც პეპი სიტიდან წავა".
