"ფეხბურთში თავდაჯერება და სითავხედე აუცილებელია. ჩვენი ნაკრების მთავარი კარგი თვისება ისაა, რომ არავის გვეშინია. წინა მატჩებში მცირე ფეხის დაცდენა იყო, თუმცა შემდეგ მატჩებში ეს შეცდომები აუცილებლად უნდა გამოვასწოროთ.
ამ ფორმაციის ნაკრებს თავდაჯერებულობა არ აკლია. რა თქმა უნდა, ეს თავდაჯერებულობა დოზირებული უნდა იყოს და ვფიქრობ, ჩვენს ნაკრებს ამის ბალანსი კარგად შეუძლია.
ევროპის ჩემპიონატის შემდეგ, შეკრებაზე პირველად ვარ და ნაკრებში ძალიან კარგი განწყობაა. მიზანი ორივე მატჩში გამარჯვებაა", - განაცხადა კვეკვესკირმა.
