საქართველოსთან წაგებული 2:1 მატჩის შემდეგ, კომენტარი პოლონეთის 21-წლამდელთა მთავარმა მწვრთნელმა ადამ მაიევსკიმ გააკეთა.
"საქართველოს ვულოცავ ამ გამარჯვებას, თუმცა ჩემი აზრით, მათ გაუმართლათ და გოლები შემთხვევით გაიტანეს. უკეთ ვიყავით მომზადებული და მომენტებიც მათზე მეტი გვქონდა.
ყოველთვის ის ვერ იგებს, ვინც უკეთ თამაშობს. მარცხის მიუხედავად, ვთვლი, რომ ჩემმა ფეხბურთელებმა დავალება კარგად შეასრულეს.
ბრძოლა გრძელდება, ჯგუფში კიდევ ორი შეხვედრაა დარჩენილი, მომდევნო მატჩებზე უნდა გადავრთვოთ და იქ ვეცადოთ გამარჯვებას", - განაცხადა პოლონელთა თავკაცმა.
