"გჯეროდეთ საკუთარი თავების, ენდეთ ერთმანეთს, მთელი ქვეყანა თქვენ გვერდითაა!", - ქინქლაძის წერილი საქართველოს ნაკრებს

საქართველოს ნაკრების ლეგენდარულმა ფეხბურთელმა, გიორგი ქინქლაძემ "ჯვაროსნების" ახალ თაობას ღია წერილით მიმართა. შეგახსენებთ, რომ პირველად თავის ისტორიაში, ჩვენი ეროვნული გუნდი ევროპის ჩემპიონატზე გავიდა. ხვალ, 18 ივნისს იქნება პირველი მატჩი, მეტოქე - თურქეთია.უზღვავი სიამაყით ვარ სავსე და მჯერა, თქვენი უსაზღვრო შესაძლებლობების. ჩემმა თავგადასავალმა დამარწმუნა, რომ ფეხბურთი სპორტზე ბევრად მეტია. ეს არის მოვლენა, რომელიც აერთიანებს, შთააგონებს და ერს იმედით ავსებს. დღეს ევროპის ჩემპიონატზე საქართველოს ღირსების დასაცავად ემზადებით. გახსოვდეთ, რომ თქვენ ყველა ქართველის იმედი ხართ და მათი ოცნებებისთვის იბრძვით.