მილანის მარცხენა მცველმა, ტეო ერნანდესმა ისაუბრა პარი სენ-ჟერმენის ლიდერის, კილიან მბაპეს მადრიდის რეალში შესაძლო გადასვლის შესახებ. "არასდროს მიკითხავს მბაპესთვის, თუ როდის გადავა ის რეალში ან საერთოდ გადავა თუ არა. ჭკვიანი ბიჭია და მჯერა, რომ სწორედ გადაწყვეტილებას მიიღებს.
კილიანი გადადგამს ნაბიჯს, რომელიც მას კარიერულ წინსვლაში დაეხმარება. მის ადგილზე რომ ვიყო, საბოლოო გადაწყვეტილების მიღების წინ, პირველ რიგში საკუთარ თავს მოვუსმენდი. ყველაზე მნიშვნელოვანი ამ ცხოვრებაში არის ისეთ ადგილას ყოფნა, სადაც თავს ბედნიერად და მშვიდად იგრძნობ", - განაცხადა ფრანგმა.
შეგახსენებთ, რომ ევროპულ პრესაში აქტიურად იწერება პსჟ-ს თავდამსხმელის მადრიდულ გუნდში გადასვლის შესახებ. ვრცელდება ინფორმაცია, რომლის თანახმადაც, მხარეები აგვარებენ ტრანსფერის ფინანსურ დეტალებს, რის შემდეგაც, 25-წლის ფორვარდი ზაფხულში "სამეფო კლუბის" სრულფასოვანი წევრი გახდება.
