შეგახსენებთ, რომ "სამეფო კლუბის" ნახევარმცველი გერმანიის ნაკრებიდან წავიდა 2020 წელს, თუმცა ევრო 2024-ის წინ, იულიან ნაგელსმანის თხოვნით, ის დაბრუნდა. როგორც ვხედავთ, ეს იქნება 34 წლის შუახაზელის ბოლო ტურნირი, როგორც საერთაშორისო, ისე საკლუბო დონეზეც.
კროოსი დიდ ფეხბურთში გამოჩნდა 2007 წელს, მიუნხენის ბაიერნის აკადემიიდან. მას ჰქონდა ერთსეზონიანი იჯარა ლევერკუზენის ბაიერში, 2014 წელს კი ის ბერნაბეუზე გადაბარგდა. სწორედ აქ გაატარა გერმანელმა შუახაზელმა თავისი კარიერის უმნიშვნელოვანესი ნაწილი.
რეალთან ერთად ტონიმ მოიგო ჩემპიონთა ლიგის ოთხი თასი, ძალიან მალე კი ის კიდევ ერთ ფინალს ითამაშებს. მის ანგარიშზე ასევე არის მსოფლიო ჩემპიონობა "ბუნდესნაკრებთან" ერთად.
