გიორგი მამარდაშვილი: "მთელი შემართებით ვემზადებით. ეს ჩვენთვის პირველი ევროპის ჩემპიონატია. რთული იქნება, მაგრამ არა შეუძლებელი. მძიმე 3 თამაში გველის და უნდა ვიბრძოლოთ. ვარჯიშები მშვენიერია, რაღაც კომპონენტებს ვხვეწთ და ვნახოთ, რა იქნება.
თურქეთთან ურთულესი მატჩი გველის. რადგან პირველი თამაშია, იქნება დაძაბულობა და წნეხი. სტადიონზე ბევრი თურქი იქნება, მაგრამ ქართველებიც არ დააკლებენ. ერთი ქართველი ჩემთვის 20 თურქს უდრის, ამიტომ არაფრის მეშინია. ვფიქრობ, ამ მატჩში ყველაფერს ერთი გოლი გადაწყვეტს. მაქსიმუმს გავაკეთებთ, რომ ქართველი ხალხი ისევ გავახოთ."
საბა ლობჟანიძე: "მთლიანი მოსამზადებელი ეტაპი უკვე გავიარეთ და ახლა კონკრეტულად თურქეთთან თამაშისთვის ვემზადებით. ჩემი აზრით, ყველაზე რთული მატჩი თურქეთთან გვექნება. მათ ინდივიდუალურად ბევრი კარგი ფეხბურთელი ჰყავთ, მაგრამ ძლიერი მხარეები ჩვენც გვაქვს და მათი დამარცხება შეგვიძლია."
