გუშინ მსოფლიო ჩემპიონატის შესარჩევი ეტაპის მორიგი მატჩი გაიმართა პოლონეთში, სადაც ნეიტრალურ სტადიონზე ერთმანეთს უკრაინა და საფრანგეთი დაუპირისპირდნენ. მაყურებელმა სტუმარი ნაკრების დომინანტური თამაში იხილა, სადაც დიდიე დეშამის გუნდმა საკმაოდ მარტივი გამარჯვება მოიპოვა. საფრანგეთმა მეტოქეს ორი უპასუხო გოლი გაუტანა და შესარჩევი ეტაპი 3 ქულით დაიწყო.
მნიშვნელოვანი გამარჯვების მიუხედავად, ფრანგ გულშემატკივრებს გაბრაზების საბაბი მაინც აქვთ — გუშინდელ შეხვედრაში ტრავმები მიიღეს დეზირე დუემ და უსმან დემბელემ. ორივე ფეხბურთელი მშობლიურ გუნდს უკვე დაუბრუნდა, სადაც დამეტებითი გამოკვლევები ჩაუტარდათ.
პირველადი ინფორმაციით, უსმან დემბელე ტრავმის გამო დაახლოებით 6 კვირას გამოტოვებს, რაც ლუის ენრიკეს გუნდისთვის ძალიან დიდი დანაკლისია. ხოლო რაც შეეხება დეზიდე დუეს, ახალგაზრდა ფეხბურთელი პარი სენ-ჟერმენს როგორც მინიმუმ 3-4 კვირა ვერ დაეხმარება.
