საფრანგეთი 1:3 იტალია
ევროპის ერთ-ერთი გამორჩეული დაპირისპირება, რომელშიც რიგით მე-19 გამარჯვება იტალიამ მოიპოვა. საფრანგეთი მოიაზრებოდა ფავორიტად, კრიზისში მყოფი "სკუადრა აძურას" მოგებას კი პრაქტიკულად არავინ ვარაუდობდა. რაც შეეხება უშუალოდ მატჩის მიმდინარეობას: "მამლები" ბრედლი ბარკოლას ბურთით 1-ვე წუთზე დაწინაურდნენ.
შეხვედრის 30-ე წუთზე აპენინელების თამაშში დაბრუნება მოახერხა ფედერიკო დიმარკომ, მეორე ტაიმის დასაწყისში კი სტუმრები წინ გაიყვანა მილანის ინტერის კიდევ ერთმა მოთამაშემ: დავიდე ფრატეზიმ. საბოლოო წერტილი კი 74-ე წუთზე ჯო რასპადორიმ დასვა. "სამფეროვნების" რიგებში აქტიურობდნენ ანტუან გრიზმანი და კილიან მბაპე, მაგრამ ამ დუეტმა კალჩოს წარმომადგენლების უკანახაზს ვერაფერი მოუხერხა.
რაც შეეხება გალიელთა სუსტ რგოლს, მივდივართ უკანახაზისკენ, სადაც იბრაჰიმა კონატეს, იუსუფ ფოფანასა და ჯონატან კლაუსს ობიექტურად საუკეთესო მატჩი არ ჩაუტარებიათ. ლუჩიანო სპალეტის გუნდიდან გოლების ავტორების გარდა, საუკეთესოები იყვნენ სანდრო ტონალი, სამუელე რიკი და ალესანდრო ბასტონი.
ბელგია 3:1 ისრაელი
მიუხედავად იმისა, რომ ბელგიის ოქროს თაობისგან პრაქტიკულად აღარაფერია დარჩენილი, ეს გუნდი თავის გულშემატკივრებს იმედს მაინც არ უცრუებს. "ეშმაკებმა" კევინ დე ბრუინის დუბლითა და იური ტილემანსის 1 ბურთით ისრაელს უმარტივესად მოუგეს. აღსანიშნავია ისიც, რომ 11-მეტრიანიდან გოლის გატანის შანსი ლუის ოპენდამ ვერ გამოიყენა.
რაც შეეხება "თეთრ-ლურჯების" ერთადერთ გოლს, ის ტიმოტი კასტანის ავტოგოლის შედეგად გავიდა. დღევანდელი დუბლის შემდეგ, ბელგიელ გამთამაშებელს "ეშმაკების" რიგებში დაუგროვდა 30 ბურთი, რითაც მან მარკ ვილმოტსი ჩამოიტოვა. თანამედროვე ეპოქის მოთამაშეებიდან მანჩესტერ სიტის ფლეიმეიქერი ყველაზე ახლოს არის ედენ აზართან, რომელსაც ის 3 ბურთით ჩამორჩება.
ყაზახეთი 0:0 ნორვეგია
ერლინგ ჰოლანდი პირველ რიგში ასოცირდება გოლებთან, მითუმეტეს მაშინ, როდესაც მას გადაცემებით მარტინ ოდეგორი ამარაგებს. პრემიერ ლიგის მთავარი გოლეადორის გვერდით იყო მარტინ სორლოტიც, რომელიც პრიმერა დივიზიონის გასული სეზონის ერთ-ერთი მთავარი მეგოლე იყო. სუპერ შეტევის მიუხედავად, "ვიკინგებმა" ყაზახეთს ვერაფერი მოუხერხეს.
ერლინგ ჰოლანდი პირველ რიგში ასოცირდება გოლებთან, მითუმეტეს მაშინ, როდესაც მას გადაცემებით მარტინ ოდეგორი ამარაგებს. პრემიერ ლიგის მთავარი გოლეადორის გვერდით იყო მარტინ სორლოტიც, რომელიც პრიმერა დივიზიონის გასული სეზონის ერთ-ერთი მთავარი მეგოლე იყო. სუპერ შეტევის მიუხედავად, "ვიკინგებმა" ყაზახეთს ვერაფერი მოუხერხეს.
უელსი 0:0 თურქეთი
ხმაურიანად ჩატარებული ევროპის ჩემპიონატის შემდეგ, თურქეთის თამაში საფეხბურთო სამყაროში დიდ ინტერესს იწვევდა. სტუმრების განკარგულებაში იყვნენ ეროვნული გუნდის მომავლის მოთამაშეები: არდა გიულერი და კენან ილდიზი, მაგრამ აღნიშნულმა მოედანი გატანილი ბურთების გარეშე დატოვა.
