იტალიის ნაკრების ამჟამინდელი და ნაპოლის ყოფილი მთავარი მწვრთნელი ლუჩიანო სპალეტი ნაპოლიში გატარებულ წლებს იხსენებს.
მოგეხსენებათ, 2 წლის წინ, სპალეტიმ ნაპოლიში ისტორია დაწერა და სერია ა-ს ტიტული მოიგო, რომელის ერთ-ერთი მთავარი შემოქმედი ხვიჩა კვარაცხელიაც იყო.
"მრავალი წლის განმავლობაში, ბევრ ქალაქში ვყოფილვარ, მაგრამ არასდროს მინახავს ისეთ ბედნიერი ხალხი, როგორიც ნეაპოლში იყო, როცა ჩვენ ჩემპიონები გავხდით. ამ გამოცდილებისთვის დე ლაურენტისის მიმართ ყოველთვის მადლიერი ვიქნები.
თუმცა ამავე დროს, მასზე დღემდე ნაწყენი ვარ, რადგან საშუალება არ მოგვეცა, რომ ეს დიდი გამარჯვება ავტობუსით გულშემატკივრებთან ერთად ქალაქში გვეზეიმა.
ნაპოლი და ნეაპოლელი ხალხი ძალიან მიყვარს და იმედი მაქვს, ისინი სულ ისეთი ბედნიერები იქნებიან, როგორც მაშინ იყვნენ."
