პორტუგალიასთან წაგებული 4:0 მატჩის შემდეგ კომენტარი საქართველოს ახალგაზრდული ნაკრების თავკაცმა რამაზ სვანაძემ გააკეთა.
"მადლობას გიხდით იმ ყურადღებისთვის, რაც ჩვენს მიმართ გასულ დღეებში იყო და ყველაფერს გავაკეთებთ, რომ ევროპის ჩემპიონატზე ჩვენს მატჩებს შემდეგზეც დაესწროთ.
წითელი ბარათის შემდეგ, ბევრი რამ შეიცვალა და ეს თამაშზეც აისახა. პორტუგალია ძლიერი გუნდია და ასეთი დონის ნაკრებთან 10 კაცით თამაში რთულია. წარმატებებს ვუსურვებ მათ ამ ჩემპიონატზე.
ევროპის ჩემპიონატზე მაინც დადებითად შევაფასებ, რადგან აქ ისტორიაში მეორედ მოვხვდით და ბოლო ტურამდე შემდეგ ეტაპზე გასვლის შანსი გვქონდა. ქართული ფეხბურთი იმსახურებს, რომ ჩვენმა ნაკრებმა ამ ტურნირზე მომავალშიც ითამაშოს.
ვფიქრობ, ამ ევროპის ჩემპიონატზე არ ვიყავით ჩვენი საუკეთესო ვერსია და ამას რამდენიმე მიზეზი აქვს. მათ შორის ის, რომ ტურნირის წინ რამდენიმე ფეხბურთელი გამოგვაკლდა.
არიან ფეხბურთელები, რომლებიც თავიანთ კლუბებში ხშირად ვერ თამაშობენ და მომავალში აუცილებლად სჭირდებათ პრაქტიკა, რათა ქართულ ფეხბურთს გამოადგნენ", - განაცხადა სვანაძემ.
