"ვინ არის ევროპის ჩემპიონატის ფავორიტი? სახელებით თუ ვიმსჯელებთ, საფრანგეთის ნაკრები. მათ შეუძლიათ დააყენონ სამი შემადგენლობა და სამივე მინიმუმ 1/2 ფინალამდე გავა. კარგია, რომ მხოლოდ ერთი ითამაშებს. რაც შეეხება იტალიას, ვეცდებით, რომ მეტოქეებს პრობლემები შევუქმნათ", - განაცხადა "სკუადრა აძურას" კარის ყოფილმა დარაჯმა.
იტალიის ნაკრების ლეგენდარულმა მეკარემ, ჯანლუიჯი ბუფონმა მოახლოებული ევროპის ჩემპიონატის მთავარი ფავორიტი დაასახელა. ვეტერანი მეკარის აზრით, ევრო 2024-ს საფრანგეთის ეროვნული გუნდი მოიგებს. შეგახსენებთ, საფეხბურთო კარიერის დასრულების შემდეგ, ტურინის იუვენტუსის კარის ყოფილი დარაჯი ლუჩანო სპალეტის სამწვრთნელო შტაბში შევიდა.
208593208697
