2026 წლის მსოფლიო ჩემპიონატის შესარჩევი ეტაპის მე-4 ტურში, გერმანიის ეროვნული ნაკრები ჩრდილოეთ ირლანდიას ესტუმრება.
აღნიშნული მატჩი სატურნირო თვალსაზრისით უმნიშვნელოვანესია, რადგან A ჯგუფში პირველი ადგილისთვის სამი ნაკრები იბრძვის — გერმანია, ჩრდილოეთ ირლანდია და სლოვაკეთი. სამი ტურის შემდეგ, სამივე ნაკრებს თანაბარი, 6-6 ქულა აქვთ, ხოლო 0 ქულით ჯგუფის აუტსაიდერი ლუქსემბურგია, რომელიც დღეს სლოვაკეთს ესტუმრება.
გერმანიის და ჩრდილოეთ ირლანდიის პირველი მატჩი კიოლნში შედგა, სადაც მასპინძლებმა მეტოქე დამაჯერებლად, 3-1 დაამარცხეს. გუნდების ურთიერთდაპირისპირებაში სრული უპირატესობა გერმანელთა მხარეს არის — 10 შეხვედრა და 10 გამარჯვება. ყველაზე დიდი ანგარიშით გერმანიამ დღევანდელი მეტოქე 2019 წელს, 6-1 დაამარცხა.
დღევანდელი სათამაშო დღის განრიგი
