საფრანგეთის ლიგა 2-ის გასულ ტურში "ბორდო" ლიდერ "ანჟერს" დაუპირისპირდა და 1:0 დაამარცხა. შეხვედრის ერთადერთი, გამარჯვების გოლი სწორედ დავითაშვილმა გაიტანა.
"იქნებ, ამ თამაშის შემდეგ, გუნდის პრეზიდენტს ვთხოვოთ, რომ დავითაშვილი არ გაუშვას?! (იცინის) ამ ტრანსფერის გარშემო უამრავი ჭორი მესმის, თუმცა ეს მხოლოდ ჭორია.
მე მინდა, რომ ყველა ის ფეხბურთელი, ვინც ამჟამად გუნდში ირიცხება, ჩემთან დარჩეს და როგორც ვიცი, ისინიც ბედნიერები არიან აქ ყოფნით და თავს კარგად გრძნობენ", - განაცხადა რიერამ.
22 ტურის შემდეგ, "ბორდოს" 28 ქულა აქვს და სატურნირო ცხრილში მე-13 პოზიციაზეა. რაც შეეხება დავითაშვილს, მიმდინარე სეზონში ეს ქართველისთვის მე-2 გოლია, 3 საგოლე გადაცემასთან ერთად.
