მსოფლიო ჩემპიონატის წინ, ესპანეთის ნაკრებმა ამხანაგური მატჩი პერუს ნაკრების წინააღმდეგ ჩაატარა და 1:3 გაიმარჯვა.
მატჩის წინ, ესპანელთა მთავარმა მწვრთნელმა ლუის დე ლა ფუენტემ კომენტარი გააკეთა და თავისი გუნდის მდგომარეობაზე ისაუბრა.
"მოსამზადებელი ეტაპით ძალიან კმაყოფილი ვარ, რადგან რაც ყველაზე მთავარია, მზადება ტრავმების გარეშე დავასრულეთ და ყველა ფეხბურთელი მწყობრშია.
ცენტროფორვარდი? - ეს საკმაოდ რთული პოზიციაა, თუმცა არ არის აუცილებელი, ნომინალური ფორვარდი გვყავდეს. მთავარია, ბევრი გოლი გავიტანოთ და ვფიქრობ, ამ მხრივ შეტევითი პოტენციალი მაღალ დონეზე გვაქვს.
რაც შეეხება ნახევარმცველის პოზიციას, ჩემი აზრით, ამ პოზიციაზე მსოფლიოს საუკეთესი ექვსეული გვყავს, მათ შორის როდრი, რომელიც ფორმაში შედის.
ვიცი, რომ მატჩები უცნაურ დროს იქნება, მაგრამ ეს ფეხბურთელებისთვის პრობლემა არაა, რადგან ვარჯიშები ისედაც ამ დროს აქვთ", - განაცხადა დე ლა ფუენტემ.
