"ძალიან მნიშვენლოვანი იყო C ლიგაში გამარჯვება და B ლიგაში გადასვლა, თუმცა დღეს ყველაზე მთავარი, რა თქმა უნდა, მარტის პლეი-ოფის თამაშებია, რაზეც მთელი ყურადღება გვაქვს გადატანილი.
რაც შეეხება ერთა ლიგის ჯგუფს, საინტერესო გუნდებით დაკომპლექტებული ძლიერი ჯგუფია. ჩვენი მიზანი ყოველთვის წარმატების მიღწევა და თამაშიდან თამაშზე ფიქრია. თუმცა, ახლა მთავარი მარტია და B ლიგის თამაშებზე ფიქრს მოგვიანებით დავიწყებთ," - განაცხადა ალექსანდრე იაშვილმა.
ჯგუფური ეტაპის მატჩები მიმდინარე წლის სექტემბრის დასაწყისში და ნოემბრის მეორე ნახევარშია დაგეგმილი. 2025 წლის მარტის ბოლოს დაიწყება პლეი-ოფები, ივნისის დასაწყისში კი 1/2 ფინალები და ფინალი გაიმართება.
ფოტო: საქართველოს ფეხბურთის ფედერაცია
