ლეო მესი და არგენტინა ჩვეულ სტილში, - ასე შეაფასა 2026 წლის მსოფლიოს ჩემპიონატის ნახევარფინალური მატჩი (ინგლისი 1-2 არგენტინა) La Gazzetta Georgia-ს დამფუძნებელმა ლაშა მაჭავარიანმა, რუსთავის 2-ის ეთერში, ლაშა დვალიშვილის სპორტულ გადაცემაში.
ლაშა მაჭავარიანმა არგენტინის ნაკრების ძლიერ მხარეებზე ისაუბრა და თამაშის ტაქტიკური დეტალები მიმოიხილა:
ინგლისი VS არგენტინა
“ინგლისს გატანილი გოლის შემდეგ თამაში თითქოს კარგად მიყავდა, მაგრამ გოლიდან დაახლოებით, 2 წუთში შევამჩნიეთ, რომ გუნდი მთლიანად დაცვაში გადავიდა. მწვრთნელმა თავის საქმე უკეთ იცის, თუმცა ეს რომ ყოფილიყო მატჩის მიწურული, დაახლოებით 85-ე წუთი სხვა ამბავია. არგენტინასთან, რომელმაც თავი დაგვამახსოვრა ქამბექით, ბოლო წუთებზე გოლის გატანით, დამატებითში გადაყვანით და ამ გუნდთან მთლიანად დაცვაზე გადადიხარ, უკვე ვხედავდით, რომ რაღაც მწიფდებოდა.
გუნდი კონტრშტევაზე გადავა, შეტევას გაარძელებს თუ დაცვაში იქნება, - ამ ყველაფერს რა თქმა უნდა, მწვრთნელი წყეტს და მერე ხდება კომუნიკაცია გუნდთან. ამ ლოგიკაზე დაყრდნობით, ეს იყო მწვრთნელის მიერ არჩეული სტრატეგია. ტომას ტუხელი მაღალი დონის მწვრთნელია ტიტულებიდან გამომდინარე, თუმცა სანაკრებო საკითხი სხვა არის, ამ დონის სანაკრებო გამოცდილება ტუხელს არ აქვს, მსოფლიოს ჩემპიონატის ნახევარფინალია ვხდებით, რა დონეზეა საუბარი.
არგენტინის შესახებ
არგენტინის ნაკრები - რომელიც უფრო ძლიერი ბრუნდება, მეორე ტაიმის ბოლოს, მეტ შეტევას აკეთებს და რა თქმა უნდა, ლეო მესი, რომელსაც გოლი გააქვს ან საგოლე პასს აკეთებს.
ამ არგენტინას ბოლო ჩემპიონატზე რაც შევამჩნიეთ არის დიეგო მარადონას არგენტინას სტილი. გუნდს ფაქტობრივად, ვარსკვლავები არ ჰყავს. ინგლისს ჰყავს ბელინგემი, კეინი. არგენტინას თამაში აგებული აქვს მესის გარშემო, მესიც ამართლებს და ამართლებს. სკალონიმ მოახერხა და ნაკრებში სულისკვეთება, ბრძოლისუნარიანობა და გუნდურობა ჩამოაყალიბა. მნიშვნელობა არ აქვს 5:0 აგებს თუ 4:0, იმიტომ რომ ძალიან შეკრული გუნდია, არ არის ისე რომ მესი თამაშობს 4 ვარსკვლავთან ერთად. შესაბამისად, ძალიან ძლიერი გუნდი ჩამოყალიბდა გუნდურობის თვალსაზრისით.
ეგვიპტესთან არგენტინის მოგება და შემდეგ ინგლისთან - ამ თამაშებს, რომ უყურებ თითქოს დეჟავიუ გაქვს. ანგარიში განსხვავებული იყო, თუმცა ხასიათით, ჩართული სიჩქარეებით, მესის გარშემო კიდევ უფრო მობილიზებით და ა.შ. ძალიან ჰგავდა ეს თამაშები ერთმანეთს, თუმცა ეგვიპტე დაცვაში ასე არ ჩამდგარა, უტევდა, რაღაც მომენტებში არ გაუმართლა. მომენტებში კარგადაც გამოიყურებოდა. რაც შეხება ინგლისს, გოლამდე უფრო დალაგებულად თამაშობდა თითქოს. რა სტრატეგია და ტაქრიკური ჩანაფიქრიც იყო, ჩემი აზრით, საკმაოდ კარგად ასრულებდნენ.
საფრანგეთი VS ესპანეთი
რაც შეეხება ესპანეთისა და საფრანგეთის მატჩს, შეიძლება ითქვას, ესპანეთმა ბურთი ,,არ დაანახა” საფრანგეთს. მბაპე საერთოდ გადაკეტეს, ესპანეთმა ძალიან ძლიერი ფეხბურთი ითამაშა. თუ გადავხედავთ წინა პერიოდს, როცა ესპანეთის ნაკრებმა, ევროპის-მსოფლიოს ჩემპიონატები მოიგო, მაშინ დაკომპლექტებული იყო რეალისა და ბარსელონას ფეხბურთელებით, ახლა სოსისედადი, ბილბაოს ფეხბურთელები ჰყავთ. დივერსიფიცირებულია და ესპანური ფეხბურთისთვის ეს ბევრად სჯობს, თუმცა როცა რეალი - ბარსათი აწყობილი ნაკრები ვარსკვლავურია, აღსანიშნავია, რომ დღევანდელი ბარსას ფეხბურთელები იმ დონის ვარსკვლავები არ არიან, როგორც მაშინ იყვნენ.
ესპანეთის ნაკრების შესახებ
დღეს ფერნანდო მორიენტესთან ერთად განვიხილავდით მთელ მატჩს. ასევე გავაანალიზეთ მთლიანი მსოფლიო ჩემპიონატი და ბევრი ვისაუბრეთ ესპანურ ფეხბურთზე.
ძალიან საინტერესო ფინალი გველის, ესპანეთი ახალგაზრდა გუნდია, რომელსაც მოყვება ევროპის ჩემპიონატის გამოცდილება, ხოლო მსოფლიო ჩემპიონატის გამოცდილება არგენტინას აქვს.
როდრის ფაქტორი და ცენტრი ესპანეთის ნაკრების ფანტასტიკაა. როდრიც ძალიან მაგრად დაბრუნდა. გუნდის დაცვა და თავდასხმა ძლიერია. ესპანეთს მიმდინარე მსოფლიოს ჩენპიონატზე მხოლოდ ერთი გოლი აქვს გაშვებული. მეკარესთან დაკავშირებითაც იყო მითქმა-მოთქმა, მაგრამ ფაქტია საათივით აწყობილი გუნდია.
იამალი ძალიან ახალგაზრდაა, გვახსოვს პირველად ევროპის ჩემპიონატზე გაიბრწყინა, სადაც საუკეთესო ახალგაზრდა მოთამაშე გახდა და მას შემდეგ, ფანტასტიური სეზონებიც ვნახეთ. თავის სიტყვა ჯერ კიდევ სათქმელი აქვს.
მეორე მხარეს არის ლიონელ მესი, რომელსაც იამალთან შედერებით 20 წლით მეტი გამოცდილება აქვს.
ესპანეთი თამაშობს ძალიან კარგად აწობილ გუნდურ ფეხბურთს, არავის გარშემო არაა აწყობილი. ამ შემთხვევაში გვაქვს დაპირისპირება - ერთ მხარეს გუნდური ფეხბურთი - მეორე მხარეს მესის ირგვლივ აწყობილი მეომარი გუნდი, მთელი ჯარი ჰყავს მესის. მნიშვნელოვანია ის რომ რამდენად მაღალი დონის პროფესიონალია, ტრავმის გარეშე მოვიდა ფინალამდე. მესი რომ გამოაკლდეს არგენტინას, ვთანხმდებით, რომ ნახევარი გუნდია. ერთი იამალი რომ დააკლდეს ესპანეთს, ნახევარი გუნდი არ იქნება, შესაძლოა 10% მოაკლდეს ესპანეთის ნაკრებს. იამალს ბევრი რამე აქვს დასამტკიცებელი. აქვე ვხედავთ, რომ ევროპის ჩემპიონატის შემდეგ, ეს ახალგაზრდა ფეხბურთელი ძალიან გაიზრდა. ხასიათი, თამაში, ფიზიკური მონაცემები, - ძალიან დახვეწილია.
ფინალსა და მესამე ადგილისთვის გასამართ მატჩზე
წინ ძალიან კარგი ფინალი გველოდება, თუმცა მესამე ადგილისთვის მატჩიც არ უნდა დავივიწყოთ — თუნდაც იმ გუნდებისთვის, რომელთა ერთადერთი მიზანი ჩემპიონობა იყო. იმედია, ინგლისის გულშემატკივრები არ მიწყენენ, მაგრამ მირჩევნია, მათმა ნაკრებმა ამჯერად მესამე ადგილისთვის იბრძოლოს.
ინგლისის ნაკრები საერთოდ ცალკე ფენომენია. თუ მათ შემადგენლობებს გადავხედავთ — ბექჰემით, ჯო კოულით, ლამპარდითა და ჯერარდით დაწყებული, დღევანდელი ვარსკვლავებით დასრულებული — სულ გიჟური სახელები ჰყავთ. პრემიერლიგაც უმაღლეს დონეზეა, თუმცა დიდ ტურნირებზე სულ ერთი და იგივე პრობლემა აქვთ: ფსიქოლოგიურად არ სჯერათ საკუთარი თავის. წინა ევროპის ჩემპიონატზე გულშემატკივრები ფაქტობრივად ფინალამდე ზეიმობდნენ გამარჯვებას. თუმცა, როგორც კი გადამწყვეტი მომენტი დგება, თითქოს რაღაც ირღვევა. ინგლისელები, როცა არგენტინასთან იგებდნენ, თითქოს აღარ იცოდნენ, რა ექნათ იმ უზარმაზარ პასუხისმგებლობასთან, რომ მსოფლიო ჩემპიონატის ფინალში აღმოჩენილიყვნენ. ყოველ შემთხვევაში, ჩემი შთაბეჭდილება ასეთია.“
