დღეს, 22:45 საათზე გაიმართება მსოფლიო ჩემპიონატის საკვალიფიკაციო ეტაპის მატჩი საქართველოსა და თურქეთის ნაკრებებს შორის.
მატჩამდე რამდენიმე საათით ადრე, ჩვენი ნაკრების მთავარმა მწვრთნელმა ვილი სანიოლმა იმ ფეხბურთელების საბოლოო, 23-კაციანი სია დაასახელა, რომლებიც ამ გადამწყვეტ მატჩში მიიღებენ მონაწილეობას.
ესპანეთთან მატჩის მსგავსად, განაცხადს მიღმა ახლა ეშტორილის ნახევარმცველი ნოდარ ლომინაძე დარჩა.
მოგეხსენებათ, წინა მატჩში ლუკა ლოჩოშვილს დისკვალიფიკაცია ჰქონდა, ახლა ის მატჩის განაცხადში დაბრუნდა. მან ივა გელაშვილის ადგილი დაიკავა.
შესაბამისად, დღევანდელ მატჩში განაცადს მიღმა ნოდარ ლომინაძე და ივა გელაშვილი დარჩნენ.
