წესით, კვარაცხელიას ნაპოლისთან ახალი კონტრაქტი, რომლის მიხედვითაც მისი ანაზღაურება საგრძნობლად გაიზრდებოდა, ზაფხულში უნდა გაეფორმებინა, მაგრამ მოლაპარაკებები გაჩერდა.
იტალიური პრესის ცნობით, კლუბის პრეზიდენტი აურელიო დე ლაურენტისი ამ საკითხს ისევ უბრუნდება და კვარაცხელიასთან ახალ კონტრაქტზე მოლაპარაკებებს იწყებს.
ეს ყველაფერი კი სკუდეტოს მოგებიდან 12 თვის შემდეგ, 2024 წლის ზაფხულში მოხდება, რადგან დე ლაურენტისს ქართველის შენარჩუნება სურს.
შეგახსენებთ, რომ კვარაცხელიას გუნდთან კონტრაქტი 2027 წლამდე აქვს დადებული, თუმცა მისი ამჟამინდელი წლიური ანაზღაურება მილიონ 200 ათასს შეადგენს. აღნიშნული ამ კლუბში მოთამაშე ფეხბურთელებს შორის, ერთ-ერთი ყველაზე დაბალი ხელფასია და ახალი კონტრაქტის გაფორმებაც სწორედ კვარახცელიას დაბალი ხელფასის პრობლემას უკავშირდება.
