10 დაუვიწყარი ჰეთთრიკი სხვადასხვა ეპოქის ვარსკვლავებისგან

ქამბექი, რომლის შემდეგაც რეალის ტრიუმფალური სვლა დაიწყო. პირველ შეხვედრაში მარცხის შემდეგ, მომავალი ჩემპიონები აგებდნენ განმეორებით მატჩშიც, მაგრამ ბენზემას ჯადოქრობამ ყველაფერი თავდაყირა დააყენა. პარის სენ-ჟერმენის ბარიერის შემდეგ, მადრიდელებმა მოუგეს ლონდონის ჩელსისაც, ასევე ქარიმის ჰეთთრიკით.

ჩემპიონთა თასის ფინალი, რომელშიც არც მეტი არც ნაკლები 10 გოლი გავიდა. აღნიშნული შეხვედრა ყველაზე კარგად ასახავს, თუ როგორი დომინანტური იყო იმდროინდელი რეალი და მისი შემტევი დუეტი: დი სტეფანო - პუშკაში. პირველმა შეასრულა ჰეთთრიკი, მეორემ კი პოკერი. ამ მოგებით, მადრიდელებმა ზედიზედ მე-5 ტიტული მოიპოვეს.

მბაპეს კარიერაში გვხვდება სამი დიდი ჰეთთრიკი - მანჩესტერ სიტისთან ჩემპიონთა ლიგის პლეიოფში, ბარსელონასთან მერვედფინალში და რა თქმა უნდა, არგენტინასთან, მუნდიალის ფინალში. დემორალიზებული საფრანგეთი გამოაცოცხლა სწორედ მბაპემ, რომელმაც მომავალ ჩემპიონებს 3 ბურთი გაუტანა. ეს ყველაფერი იმის გათვალისწინებით, რომ "მამლები" მე-80 წუთამდე 0:2-ს აგებდნენ.

მესის კარიერაში პირველი ჰეთთრიკი, თანაც პირდაპირ ელ კლასიკოში, რეალის წინააღმდეგ. აღსანიშნავია, რომ ლეგენდარული შემტევი იმ მომენტისთვის სულ რაღაც 19 წლის იყო. წლების შემდეგ, ლეო კიდევ ერთ მატჩში გაუტანს მადრიდელებს 3 ბურთს, მაგრამ ცხადია, პირველი ჰეთთრიკი მაინც ყველაზე განსაკუთრებულია.

ბრაზილიური ფეხბურთის დომინირების დასაწყისი - სამგზის მსოფლიო ჩემპიონობა 1958 - 1970 წლების შუალედში. ეს ყველაფერი წარმოუდგენელი იქნებოდა პელეს გარეშე, რომელმაც უბრალოდ წარუშლელი კვალი დატოვა. საფრანგეთთან ჰეთთრიკის მომენტისთვის ის იყო სულ რაღაც 17 წლის, მაგრამ გამოუცდელობა ედსონს სულაც არ ეტყობოდა.

ჰეთთრიკების მეფე, რომლის კარიერიდან ერთის ამორჩევა პრაქტიკულად წარმოუდგენელია. რონალდუს გოლებით რეალი აქამბექებდა ჩემპიონთა ლიგის პლეიოფში და შემდეგ, ტიტულებს იგებდა. რატომ ესპანეთთან მატჩი? ეს ყველაფერი მოხდა მუნდიალზე, თავისი ქვეყნის ეროვნული გუნდის მაისურით, თანაც დრამატულ დაპირისპირებაში.

რონალდოს საუკეთესო შეხვედრა ჩემპიონთა ლიგაზე. ლეგენდარულმა თავდამსხმელმა გააკეთა ყველაფერი იმისთვის, რომ ნახევარფინალში გასულიყო რეალი და არა მანჩესტერი. საინტერესოა, რომ ნაზარიომ ჰეთთრიკი შეასრულა ფაბიენ ბარტეზის წინააღმდეგ, იმ გოლკიპერთან, რომელსაც 1998 წლის მუნდიალის ფინალში ვერაფერი მოუხერხა.

შეხვედრა, რომელშიც შევჩენკომ პირველივე ტაიმში გადაწყვიტა ყველაფერი. დიახ, ბარსელონა და დინამო შესვენებაზე გავიდნენ მაშინ, როდესაც ტაბლოზე იყო 0:3, ისე რომ სამივე ბურთი სწორედ ანდრეიმ გაიტანა. აღსანიშნავია, რომ ლეგენდარული ფორვარდი იმ მომენტისთვის სულ რაღაც 21 წლის იყო.

როდესაც საქმე ეხება რეალის განადგურებას, პირველ რიგში გვახსენდება მესი, თუმცა ამჯერად ყურადღების ცენტრში სუარესი მოექცა. საუკეთესო მეგობრის ტრავმის შემდეგ, ბარსას ლიდერობა ითავა ლუისმა, რომელმაც მადრიდელებს ჰეთთრიკი შეუსრულა. ლეოს არყოფნა ნამდვილად არ ყოფილა შესამჩნევი ურუგვაელი ფორვარდის დამსახურებით.

ნიდერლანდების ნაკრებისთვისა და პერსონალურად ვან ბასტენისთვის ტრიუმფალური ტურნირი, რომელიც ჩემპიონობით დაგვირგვინდა. იქამდე იყო ჯგუფური ეტაპი, რომელზეც მარკომ ინგლისს ჰეთთრიკი შეუსრულა. მასზე შედეგიანი, ეფექტური და წარმატებული ევრო 88-ზე არავინ ყოფილა.