ივლისში East vs West სტამბოლში პროფესიონალ მკლავჭიდელებს შორის გაიმართება, სადაც ქართველები გამარჯვებისთვის იბრძოლებენ. ირაკლი ზირაქაშვილი შეცვლილი წონით ეცდება ჩემპიონის ქამარი მოიპოვოს. შეგახსენებთ, რომ ზირაქაშვილი მსოფლიოს სამგზის, ევროპის ხუთგზის და საქართველოს ხუთგზის ჩემპიონია.
მქართველმა კლავჭიდელმა მოპოვებული გამარჯვებისა და მომავალი ტურნირის შესახებ La Gazzetta dello Sport Georgia-სთან ინტერვიუსი ისაუბრა:
- East vs West გამარჯვება მოიპოვე, რამდენად რთული ტურნირი იყო და რას ნიშნავს ეს გამარჯვება?
- East vs West მკლავჭიდში დღესდღეობით ყველაზე რთული შეჯიბრია და ყველაზე მაღალი კონკურენციაა. ეს გამარჯვება ჩემთვის ყველაფერს ნიშნავს, ამისთვის ბევრი შრომა დამჭირდა და მიხარია რომ გამარჯვება შევძელი.
- East vs West გამარჯვება მოიპოვე, რამდენად რთული ტურნირი იყო და რას ნიშნავს ეს გამარჯვება?
- East vs West მკლავჭიდში დღესდღეობით ყველაზე რთული შეჯიბრია და ყველაზე მაღალი კონკურენციაა. ეს გამარჯვება ჩემთვის ყველაფერს ნიშნავს, ამისთვის ბევრი შრომა დამჭირდა და მიხარია რომ გამარჯვება შევძელი.
- ახლა რისთვის ემზადებით?
- ახლა ვემზადები ახალი წონისთვის, მსურს 2 წონაში გავხდე მსოფლიოს ჩემპიონი. როგორც იცით, ამჟამად 95 კილოგრამში ვასპარეზობ და 105 კატეგორიაში გადავდივარ. 6 ივლისს, სტამბოლში East vs West ტარდება პროფესიონალებს შორის, რისთვისაც ახლა ვემზადები.
- მკლავჭიდი და საქართველო, რა პირობებია სპორტის ამ სახეობის განვითარებისთვის ჩვენს ქვეყანაში?
- საქართველოს ძალიან ძლიერი ნაკრები ჰყავს, ძალიან ნიჭიერი სპორტსმენები, მაგრამ, სამწუხაროდ, სპორტის ეს სახეობა შესაბამისად არ ფასდება, განსაკუთრებით მათთვის, ვინც პროფესიონალებში ვართ და კომერციულ შეჯიბრებებზე გავდივართ.
- რომელია კარიერის მთავარი გამარჯვება?
- კარიერის მთავარი გამარჯვება იყო ის ტურნირი, რაც ახლა მოვიგე - East vs West-ის მსოფლიო ჩემპიონობა.
- მთავარი მიზანი რისთვისაც სპორტში იბრძვით?
- მთავარი მიზანი ბევრი წარმატებაა და ბევრს ვშრომობ ამისთვის. მინდა ჩემი ქვეყნის სახელი ყველგან ღირსეულად წარვადგინო და გამარჯვება მოვუტანო, ამისთვის ყველაფერს გავაკეთებ. ასევე, მსურს სამაგალითო ვიყო დამწყები სპორტსმენებისთვის.
- ქართველ გულშემატკივრებზე რას გვეტყვით?
- ქართველი ქომაგები ასმაგად დიდ მოტივაციას გვაძლევენ და გვაძლიერებს მათი გულშემატკივრობა.
- გარეჯი - ვიტ ჯორჯიას მატჩზე, ლევან საგინაშვილთან ერთად, ჩემპიონის ქამრები წარადგინეთ, ეს მოტივაციისთვის რამდენად მნიშვნელოვანია?
- ძალიან მოხარული ვარ რომ მსგავს შეხვედრებზე წარმადგენენ, ეს ჩემთვის დიდი მოტივაცია და სიხარულია, ანალოგიური სიხარულია იმ სპორტსმენებისთვისაც, რომლებთანაც ვიყავი.
