UFC-ის ორ დივიზიონში ჩემპიონობისა და მოგვიანებით ორ წონაში ქამრის დაცვის შემდეგ, ხალხი ისლამ მახაჩევის ყველა დროის საუკეთესოობაზე ალაპარაკდა. აღნიშნულ მოსაზრებას არ იზიარებს მაიკლ ბისპინგი, რომლის GOAT-სიაში დაღესტნელი მებრძოლისთვის ადგილი არაა.
"მახაჩევი ყველა დროის საუკეთესოა? არა. ის არის ნომერ პირველი თავისი თაობის წარმომადგენლებს შორის და Pound For Pound რეიტინგსაც ლიდერობს დამსახურებულად, მაგრამ ყველა მებრძოლზე მაღლა ისლამს ვერ დავაყენებ. მინდა გამოვარჩიო ემელიანენკო, სილვა და სენ-პიერი...აღნიშნული სიის გაგრძელებაც შეიძლება.
არ უნდა დაგვავიწყდეს ჯონსიც, ვინც MMA-ს გულშემატკივრების უმეტესობისთვის საერთოდაც ხელშეუხებელი ფიგურა არის. ახლა რომ მთხოვონ საუკეთესო მებრძოლთა დასახელება, დაღესტნელს მე-5 პოზიციაზე დავაყენებდი", - განაცხადა ინგლისელმა ვეტერანმა.
