UFC 330-ის მთავარ ბრძოლაში ისლამ მახაჩევმა იან მაჩადო გარი დაამარცხა მსაჯების ერთსულოვანი გადაწყვეტილებით, რითაც ქვესაშუალო წონითი დივიზიონის ქამარი შეინარჩუნა. ჩხუბი გამოდგა საკმაოდ თანაბარი და უფრო მეტი ზიანიც მიიღო დაღესტნელმა მებრძოლმა, მაგრამ მოგებული რაუნდების საერთო რაოდენობით მან ირლანდიელ მეტოქეს აჯობა.
ეს იყო 34 წლის ჩემპიონის ზედიზედ მე-17 გამარჯვება UFC-ში, რითაც მან ანდერსონ სილვას რეკორდი დაამხო. მიყოლებით მოპოვებული მოგებებით რუს მებრძოლზე შედეგიანი მსოფლიოს მთავარ პრომოუშენში არავინაა. აქვე დავამატებთ, ჯონ ჯონსის, დანიელ კორმიეს, ჰენრი სეხუდოსა და ამანდა ნუნესის შემდეგ, მახაჩევი გახდა მე-5 მებრძოლი, რომელმაც 2 დივიზიონის ქამარი მოიგო და დაიცვა კიდეც.
