ევროპა ლიგის მესამე საკვალიფიკაციო ეტაზე იბერია განმეორებით მატჩს იაგელონიას წინააღმდეგ გამართავს. მოგეხსენებათ, ამ გუნდების პირველი მატჩი პოლონელთა გამარჯვებით 4:0 დასრულდა.
მატჩის წინ კომენტარი იაგელონიას მთავარმა მწვრთნელმაადრიან სემენიჩმა და ფეხბურთელმა ანდერს ფერსლევ კლიუნგმა გააკეთეს.
ანდერს ფერსლევ კლიუნგი: "რამდენიმე კვირაა აქ ვარ. გუნდთან ადაპტაცია შესანიშნავად გავიარე. ამ სტილს იდეალურად ვერგები. სტარტი ნამდვილად კარგია. ამ დაპირისპირებაზე 100%-ით ვართ ფოკუსირებულნი. ეს მატჩი რთული იქნება. ვეცდებით, მოვიგოთ. მიუხედავად იმისა, რომ პირველი შეხვედრა მოვიგეთ, ეს არ ნიშნავს, რომ საქმე დასრულებულია"
ადრიან სემენიჩი: "თბილისში მოსაგებად ჩამოვედით. პრესინგი უნდა გავაუმჯობესოთ. სავარჯიშო სესიებზე გარკვეულ ტაქტიკურ საკითხებზე ვმუშაობდით. მხოლოდ ხვალინდელ მატჩზე ვართ ფოკუსირებულნი. პრესინგში იბერია საკმაოდ კარგი იყო, რაც ხვალ არ უნდა დავუშვათ. გვსურს, დავამტკიცოთ, რომ ევროპა ლიგაზე თამაშს ვიმსახურებთ - ამისთვის ორივე შეხვედრა დამაჯერებლად უნდა მოვიგოთ.
იბერიას არჩათვლილი გოლი? მსაჯებზე საუბარი ჩემი სტილი არ არის. მე მხოლოდ საკუთარ საქმეზე ვარ კონცენტრირებული.
პირველი თამაში გუნდებს შორის სხვაობას არ ასახავს, რადგან ეს სრულ სურათს არ გვაძლევს. ერთი მატჩის შედეგის საფუძველზე ორ გუნდს შორის განსხვავებაზე საუბარი რთულია. უკეთესად თამაში მოგვიწევს, რომ სასურველი რეზულტატი დავაფიქსიროთ.
როგორც პოლონური კლუბი, ვაცნობიერებთ, რომ ჩვენი მოვალეობაა, პოლონურ ფეხბურთს დავეხმაროთ და ახლაგაზრდა ფეხბურთელები აღვზარდოთ.იბერიას ძირითადად ქართველი ფეხბურთელები ჰყავს, რაც ქართული ფეხბურთისთვის კარგია. იბერიასგან ხვალაც მსგავს თამაშს ველი. მათ მკაფიო გეგმები აქვთ.
რთულია შეფასება, იბერია კონფერენს ლიგაზე როგორ იასპარეზებს. ამისთის გამოცდილებაა საჭირო. ყველაფერს დრო აჩვენებს და ვნახავთ, ისინი უფრო ძლიერი გუნდების წინააღმდეგ როგორ ითამაშებენ"
