როდრი ერნანდესისთვის ოქროს ბურთის გადაცემამ საფეხბურთო სამყაროში დიდი მითქმა-მოთქმა გამოიწვია. ვინისიუს ჟუნიორის გულშემატკივრები სოციალურ ქსელებში ესპანელ შუახაზელს იმისთვის ეზებენ, რომ კომენტარებში დაუწერონ, თუ როგორ "გაქურდა" მან მათი კერპი. საინტერესოა, რომ მანჩესტერ სიტის ჩამშლელს სოციალური ქსელები საერთოდ არ აქვს.
ბრაზილიელი თავდამსხმელის გულშემატკივრებმა ამის გამო შეცდომით სხვა ფეხბურთელებს შეუტიეს. დაზარალებულებს შორის აღმოჩნდნენ ხამეს როდრიგესი, როდრიგო დე პოლი, როდრიგო ბენტანკური, როდრიგო რიკელმე და მადრიდის რეალის ფორვარდის თანაგუნდელი, როდრიგო გოესიც კი. "გაქურდვის" ბრალდებითი კომენტარი ჯორჯინა როდრიგესის პოსტის ქვეშაც კი გამოჩნდა.
