მას შემდეგ, რაც პაოლო მალდინი იტალიის ეროვნული ნაკრების ტექნიკურ დირექტორად დაინიშნა, ლეგენდარული ფეხბურთელი თავის გუნდთან ერთად საქმიანობას შეუდგა. როგორც იწერება, იტალიის ფეხბურთის ფედერაცია ახალი მთავარი მწვრთნელის ვინაობას უახლოეს დღეებში გადაწყვეტს, კანდიდატთა სიაში კი რამდენიმე ცნობილი სპეციალისტია.
ამ მომენტისთვის ფავორიტად რობერტო მანჩინი მიიჩნევა, რომელსაც იტალიის ეროვნულ ნაკრებში მუშაობის გამოცდილება უკვე აქვს. სიაში ასევე ანდრეა პირლოც ფიგურირებს, რომელთანაც პაოლო მალდინის ძალიან კარგი ურთიერთობა აკავშირებს. მალდინის სჯერა, რომ ახალგაზრდა სპეციალისტს ნაკრებში წარმატებული მუშაობა შეუძლია.
რაც შეეხება სხვა ვარიანტებს, რამდენიმე გამოცემა ტიაგო მოტასა და ანტონიო კონტეზეც წერს, თუმცა, როგორც ირკვევა, ფედერაცია მათთან მოლაპარაკებებს ამ ეტაპზე ჯერ არ აწარმოებს.
და ბოლოს, პეპ გვარდიოლა, ესპანელ სპეციალისტზეც ძალიან ბევრი დაიწერა, თუმცა, თუ გავლენიან წყაროებს დავუჯერებთ, მისი იტალიის ეროვნული ნაკრების მთავარ მწვრთნელად დანიშვნა თითქმის გამორიცხულია.
