![[VIDEO] კავანის წარმოუდგენელი აცილება 97-ე წუთზე](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FitiMLk3kSgUcGIeX57KUx6iE9KriKpcL.webp&w=3840&q=75)
ბოკა ხუნიორსი ლიბერტადორესის თასის საკვალიფიკაციო ეტაპის მეორე რაუნდში ალიანსა ლიმასთან დამარცხდა. ამ გუნდების პირველ შეხვედრაში იმარჯვა "ლოს პოტრილოსმა", ანგარიშით 1:0, საპასუხო მატჩის ძირითად დროში კი მოიგეს ბუენოს აირესელებმა, 2:1. დაინიშნა 11-მეტრიანების სერია, რომელშიც "თეთრ-ლურჯებს" "გენუელებზე" მეტად გაუმართლათ.
შეხვედრის ანტიგმირად მოგვევლინა ედინსონ კავანი, რომელმაც 97-ე წუთზე 100-პროცენტიანი მომენტი გაუშვა ხელიდან. ლეგენდარულმა თავდამსხმელმა გოლის გატანა ვერ შეძლო სულ რაღაც რამდენიმე მეტრიდან და ეს ყველაფერი იმის გათვალისწინებით, რომ ვილანუევას ბინადართა კარი იმ მომენტში ცარიელი იყო.
"ლურჯ-ყვითლების" კაპიტნის გოლის შემთხვევაში ანგარიში გახდებოდა 3:1, რაც დაასამარებდა ნესტორ გორისიტოს გუნდის შემდეგ ეტაპზე გასვლის შანსებს. შეგახსენებთ იმასაც, რომ ლა ბომბონერას ბინადართა მე-10 ნომერი არგენტინაში თამაშობს 2023 წლიდან და ამ დროის მანძილზე მან 59 მატჩში 24 ბურთის გატანა მოასწრო.
No te podés comer eso Cavani!! Jugaste en Europa LPM!!pic.twitter.com/kF2uLyCB7N
— Nicolas Ortiz (@nicolasortiz_X) February 26, 2025
