ეროვნული ლიგის მე-20 ტურში გამართული შეხვედრა სპაერსა და დინამო თბილისს შორის საკმაოდ საინტერესო და დაძაბული გამოდგა.
შეხვედრის 31-ე წუთზე ანგარიში ლაშა კოხრეიძემ გახსნა, ბოლო 20 წუთში კი დინამო გააქტიურდა და ქამბექი შემოგვთავაზა.
ანგარიში ჯერ 73-ე წუთზე კობა კაკაშვილმა გაათანაბრა, გამარჯვების გოლი კი 75-ე წუთზე მათე ვაწაძემ გაიტანა და დინამოს მოაგებინა.
ამ გამარჯვებით თემურ ქეცბაიას გუნდმა 34 ქულა დააგროვა და მეორე პოზიციაზე გადაინაცვლა.
