ახალგაზრდული ჩემპიონთა ლიგის შესარჩევ ეტაპზე დინამო თბილისი წარმატებულ ასპარეზობას განაგრძობს და ახლოსაა ფლეი-ოფში გასვლასთან.
ახალგაზრდა დინამოელები აეკ ლარნაკას დაუპირისპირდნენ და უხვგოლიან და დაძაბულ ბრძოლაში 4:3 გაიმარჯვეს.
ანგარიში მასპინძლებმა გახსნეს, თუმცა რეზიკო დანელიამ ულამაზესი გოლით ანგარიში გაათანაბრა. აეკი წინ პირველ ტაიმში კიდევ ერთხელ გავიდა.
51-ე წუთზე ჩოლოყავამ ანგარიში გაათანაბრა, 59-ე წუთზე კი დოლტმურზიევმა დინამო წინ გაიყვანა. 67-ე წუთზე აეკმა წონასწორობა აღადგინა, გამარჯვების გოლი კი თემურ ოდიკაძემ 69-ე წუთზე გაიტანა.
დინამოსა და აეკ ლარაკას ახალგაზრდული გუნდების განმეორებითი მატჩი 5 ნოემბერს, დინამო არენაზე გაიმართება. შემდეგ ეტაპზე გასული გუნდი კი ახალგაზრდული ჩემპიონთა ლიგის ფლეი-ოფს ითამაშებს, სადაც ლუდოგორეცსა და დინამო მინსკს შორის გამარჯვებულს შეხვდება.
