ერთა ლიგის მიმდინარე სეზონის ჯგუფური ეტაპის მე-5 ტურში, ალბანეთმა ჩეხეთი მიიღო — მატჩი უგოლოდ, 0-0 დასრულდა.
ტირანაში გამართული შეხვედრა ორმხრივ შეტევებში წარიმართა, თუმცა, გუნდებმა გოლების გატანა ვერ შეძლეს. აღსანიშნავია, რომ ალბანეთმაც და ჩეხეთმაც კარში ზუსტად 2-ჯერ დაარტყეს.
მე-6 ტურის წინ, B დივიზიონის პირველ ჯგუფს 8 ქულით ჩეხეთი ლიდერობს, საქართველო 7 ქულით მეორეა, ხოლო ალბანეთი ასევე 7 ქულით მესამე პოზიციას იკავებს. უკრაინას კი 5 ქულა აქვს და ბოლო ადგილზეა.
5 მატჩის შემდეგ, ჯგუფის მოგების თეორიულ შანსს საქართველო, ჩეხეთი და ალბანეთი ინარჩუნებენ. ბოლო ტურში ჩეხეთი საქართველოს უმასპინძლებს, ხოლო ალბანეთი უკრაინას მიიღებს — ორივე მატჩი 19 ნოემბერს გაიმართება.
სატურნირო ცხრილი ბოლო ტურის წინ:
ჩეხეთი — 8 ქულა
საქართველო — 7 ქულა
ალბანეთი — 7 ქულა
უკრაინა — 5 ქულა
უგოლო ფრე ტირანაში — ალბანეთმა და ჩეხეთმა ქულები გაიყვეს
