ჯასტინ გეიჯისთან მარცხის შემდეგ, ილია თოფურიამ სოციალურ ქსელში პირველი კომენტარი გააკეთა. მსუბუქი წონითი დივიზიონის ყოფილმა ჩემპიონმა მიულოცა ამერიკელ ოპონენტს, მაგრამ აღნიშნა, რომ მათ შორის ჯერ არაფერი დასრულებულა.
"ჯასტინ, გილოცავ. თქვი, ჩემს სახეზე კვალს დავტოვებო... და დატოვე კიდეც. პირველსავე რაუნდში მარჯვენა თვალიდან მხედველობა დამიკარგე, მეორე რაუნდის ბოლოს კი – მარცხენიდანაც. არანაირი თავის მართლება. ჩემს ცხოვრებაში ერთ-ერთი საუკეთესო მოსამზადებელი ბანაკი მქონდა. ოქტაგონზე მომზადებული და მზადმყოფი გამოვედი.
წუხელ შენი ღამე იყო. ასეთია ამ თამაშის ბუნება. დიდება და ტკივილი გვერდიგვერდ დადიან. მოვიშუშებ ჭრილობებს, დავისვენებ და დავბრუნდები უფრო ძლიერი და ბევრად უფრო სახიფათო. მერწმუნე... ჩვენი ისტორია ჯერ შორს არის დასასრულისგან. ჩვენი რევანში აუცილებლად შედგება", - განაცხადა ქართველმა ექს-ჩემპიონმა.
