ილია თოფურია თავის კარიერაში პირველად დამარცხდა. მსუბუქი დივიზიონის ყოფილი ჩემპიონის მარცხს ჯასინ გეიჯისთან გამოეხმაურა არაერთი ცნობადი სახე. არიან ისეთები, რომლებმაც ქართველი მებრძოლი დააკნინეს, არიან ისეთებიც, რომლებმაც ის გაამხნევეს, მაგალითად, კონორ მაკგრეგორმა.
ხამზატ ჩიმაევი: "ისინი, ვისაც უხარიათ სხვების მარცხი, ვერასდროს იხილავენ ამ სპორტის დიდებულებას".
ტერენს კროუფორდი: "ეს ხომ ის ბიჭია, ვინც დანოკაუტებას შემპირდა, მე და სტივენსონს ერთდროულად რომ გვცემდა?"
ისლამ მახაჩევი: "ვინც თავს აიმაღლებს, ის აუცილებლად დამდაბლდება! გილოცავ ჯასტინ, შენ ამ ქამარს ყველაზე მეტად იმსახურებ. კარიერის ყველაზე დიდ ჩხუბში დანებება ბევრს არ შეუძლია, ნამდვილი ლეგენდა". დაღესტნელმა ჩემპიონმა გაიხსენა "მატადორის" ძველი მეტსახელი, რომელიც სწორედ ლეგენდას ნიშნავდა.
კონორ მაკგრეგორი: "ამის ნახვა სამწუხაროა, თუმცა პატივისცემა დაიმსახურა, თუნდაც ეს ყველაფერი შელახული ფორმით იყოს. ეს მარცხი მხოლოდ გააძლიერებს".
ჯეიკ პოლი: "წინ ამერიკა! ჯასტინი ცხოველია, ილია კი ძ*კნა, რადგან ბრძოლა სკამზე ჯდომით შეწყვიტა. ეს დაბალი ბიჭი სპარინგის ღირსიც არაა".
პედი პიმბლეტი: "ერთი რაღაც გევალებოდა, იმ 38 წლის მებრძოლის დამარცხება, ვისთანაც მე ხუთრაუნდიანი ომი მქონდა. ამის ნაცვლად, ძ*კნასავით სკამზე დანებდი. მე ვარ ნამდვილი მებრძოლი".
არმან ცარუკიანი: "ილია No Mas თოფურია". ეს ფრაზა ითარგმნება როგორც "მეტი აღარ" და ცარუკიანმა გაავლო პარალელი შუგარ რეი ლეონარდი - რობერტო დურანის მე-2 ჩხუბთან. აღნიშნული დუელის მიმდინარეობის დროს ამ უკანასკნელმა ბრძოლის გაგრძელებაზე განაცხადა უარი, მსაჯს კი სწორედ ეს ფრაზა უთხრა.
დანა უაითი: "ჯასტინს ხელიც არ ჰქონდა აწეული, ილია ოქტაგონიდან რომ გამოვიყვანეთ და პირდაპირ საავადმყოფოში წავიყვანეთ. ის ახლაც საავადმყოფოშია. ბევრი ზიანი მიიღო. ექიმი არ ვარ, მაგრამ ისე გამოიყურებოდა, რომ თვალბუდის ძვალი ჰქონდა ჩამტვრეული. დანამდვილებით არ ვიცი ჯერ, თუმცა ამას ვვარაუდობ.
ახლა სახლში უნდა დაბრუნდეს და იმდენი დრო აიღოს დასასვენებლად, რამდენიც სჭირდება. დღევანდელი საღამო თოფურიასთვის მძიმე იყო. ერთადერთი, რაც მინდა, ჯანმრთელად იყოს. შემდეგ ჩხუბზე ჯერ არც კი ვფიქრობ. მინდა, სახლში დაბრუნდეს, დაისვენოს და გამოჯანმრთელდეს".
