ტრანსფერი დაიხურა, სანტიაგო ხიმენესი მილანიდან კარიერას პორტუში გააგრძელებს! მხარეებს შორის ყველაფერი შეთანხმებულია, მექსიკელ ფორვარდს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
სატრანსფერო შეთანხმება ითვალისწინებს უფასო 1-წლიან იჯარას, ხოლო გამოსყიდვის ფასი დაახლოებით €18/20 მილიონია. გამოსყიდვის პუნქტი შესაძლოა გარკვეული პირობების შესრულების შემთხვევაში, მათ შორის თამაშების რაოდენობისა და დასახული მიზნების მიღწევის მიხედვით, სავალდებულო გახდეს.
მას შემდეგ, რაც რუბენ ამორიმმა მილანი ჩაიბარა, მალევე გახდა ცნობილი, რომ მექსიკელი ფეხბურთელი პორტუგალიელი სპეციალისტის გეგმებში არ შედიოდა. ხიმენესით სხვა კლუბებიც ინტერესდებოდნენ, თუმცა ყველას პორტუმ აჯობა და ტრანსფერიც დაიხურა.
