სატრანსფერო ფანჯრის დახურვამდე რამდენიმე დღით ადრე, მილანმა მორიგი ფეხბურთელი გაიფორმა. საუბარია ომარი ჰატჩინსონის შესახებ, ვინც "როსონერის" ნოტინგემ ფორესტიდან შეუერთდება. ინგლისელი ვინგერის გარიგების დეტალები უახლოეს პერიოდში გახდება ცნობილი.
"დიავოლოს" ახალწვეულმა შემტევმა კარიერა დაიწყო ლონდონის ჩელსიში, რომლის შემადგენლობაში თავის დროზე ორი მატჩი ჩაატარა. მოზარდობაში 22 წლის ვინგერს არსენალის აკადემიაშიც უთამაშია. "არისტოკრატებიდან" წასვლის შემდეგ, კარიერის ყველაზე ნაყოფიერი პერიოდი ჰატჩინსონმა გაატარა იფსვიჩში, 82 შეხვედრა, 14 გოლი.
გასული სეზონის დაწყების წინ, ინგლისელი შემტევი 43.4 მილიონი ევროს სანაცვლოდ გადავიდა "მეტყევეებში", სადაც როგორც აღმოჩნდა, მხოლოდ 1 წლით გაჩერდა. ომარის შემდეგი გაჩერება სან სირო იქნება.
